[150] Which of the two.
+ _Of hym that folowed his wyfe to buryenge._ vii.
+ A man, that wepynge folowed his wyfe to buryenge, rebuked his lyttel
sonne, that wente with hym, because he sange, sayenge that he was
peuysshe and madde to synge at his mothers buryenge, but he shulde
rather be sory and wepe. The chylde answered: father, seynge ye gyue to
these prestes money to synge at my mothers buryenge, why be ye angry
with me, that aske you nothynge for my syngynge? His father aunswered:
the preestes offyce and thyne is nat all one.
By thys tale ye may perceyue that all thynges beseme nat euery body.
+ _Of hym that felle into the fyre._ viii.
+ A felowe, that was frowarde to his wyfe, vsed to be oute drynkynge
many tymes verye late. So on a nyghte he taryed so longe oute, that his
wyfe wente to bedde, and badde her mayde make a good fyre, and tarye vp
for hym. About xij. of the clocke home he came, and as he stode warmynge
him by the fyre his heed was so tottye,[152] that he felle into the
fyre. The mayde, seing him fall, ranne vp cryenge to her maistres, and
sayd: Alas! my maister is fallen and lyeth longe straughte in the fyre.
No force,[153] mayde, said her maistres, let him lye and take his
pleasure in his owne house, where so euer him listeth.