[128] See _Scoggin's Jests_(reprint 1795), p. 47.
[129] Count out.
+ _Of the husbande that sayde hys wyfe and he agreed well._ lxxxiv.
_Too imperfect to decypher._
+ _Of the prest that sayde Comede episcope._ lxxxv.
+ In the tyme of visitacyon a bysshoppe, whi_che was maryed_[130] and
had gote many chyldren, prepared to questyon a preest what rule he
kepte, whiche preest had a le_man_ * * * * * and by her had two or thre
small chyldren. In shorte _tyme before the Bys_shoppes commynge, he
prepared a rowme to hyde his _leman and children_ ouer in the rofe of
his hall; and whan the bysshoppe was _come and discoursing_ with him in
the same hall, hauynge x of his owne chyldren about him, _the preest_,
who coude speke lytell lytyn or none, bad the bysshoppe in latyn * * * *
Comede,[131] episcope. This woman in rofe of the house, hearing _the
preest say_ so, had went[132] he had called her, byddynge her: come,
Ede; and _answered him_ and sayde: shall I brynge my chyldren with me
also? The bysshoppe, _hearing_ this, sayde in sporte: vxor tua sicut
vitis abundans in lateribus domus tuae. The preest than, halfe amasyd,
answerd and sayd: filii tui sicut nouellae oliuarum in circuitu mensae
tuae.
By this ye may se, that they, that have but small lernyng, som tyme
speke truely unaduysed.