35. Y junos penáron ma les terelaba anacado andré o drun y sasta le
habian pincherado al asparabar o tato.
36. Y sinando chamuliando oconas buchias, se chitó Jesus en medio de
junos, y les penó: Paz á sangue: menda sinelo, na darañeleis.
37. Presas junos perelales de dal, y canguelo, penchababan que
diquelaban yeque barbalé.
38. Y les penó: ¿Presás terelais dal, y costunelan pensamientos á jirés
carlochines?
39. Diquelad minrias bastes y minrés pindrés, que menda matejo sinelo:
pajabelad y diquelad, presas yeque barbalé na terela brinza ta cocális,
sasta diquelais que terelo menda.