_To my most reverent and worshipfull mastresse, my Mastresse Margaret
Paston, this be delyuered._
[Sidenote: 1461 / JULY 3]
Plesith it your mastresseship that my mastre[285.2] wolde that ye alowe
the berer hereof for hes costs, in asmoch as he come hether for that
matre, and for non other; but ye must lete Thomas Denys wif be prevy
therto, for my mastre wol that she bere the cost, for it is her matre;
and that ye make her goode cheere, and if ye wol have her hom to you for
a seacon, unto the tyme sche be out of her trouble, my mastre is agreed.
And if sche sende to my mastre for any matre, let her sende her owne man
upon her owne coste, thowe ye paye the money for a secon, unto the tyme
that sche may pay you a yein, mastre holdeth hym content. My right
wurshipful mastresse, Almyghti Jesu kepe you. Wreten at London the iij.
day of Jul.
Your poore seruaunt and bedman,