[Sidenote: 1461(?) / JAN. (?)]
Jhesus help, Marye mercy, et Franciscus cum Sanctis subveniant defuncto
et suis in tribulationibus. Amen.
Præcordialissime in Jhesu Christo prædilecte, et omissis pro præsenti
singulis vestram amicabilem benevolentiam concernentibus, propter
quasdam materias mihi a fidedignis personis nuper relatas, &c.,
equitetis quam cito potestis secure pro corporis vestri conservatione.
Scitote quod commissionarius J. Heydon, vester ac meus capitalis
inimicus, Philippus Wentworth et J. Andrw malignantur maxime contra vos
et M. T. H.[248.1] et me et alios vestros. Et magister Clemens et ego
sequemur vos usque Colcestriam, ibidem expectando donec vos aliquem
nuncium de London illuc miseritis, et tunc ad vos veniemus cum duobus
vel tribus famulis nostro proposito necessariis, R. Botilere Matthaeo
Gowh vel Johanne Lore. Sumus nempe equestres pessimi, nec ascensum equi
seu descensum scientes, sed adjutorium ad minus duorum est nobis duobus
necessarium, &c. Certe si non esset aura tam contraria, et pluvialis
nimis, quare equitare est nobis omnino necessarium; aliter vere melius
profecissem pro me in itinere per ambulare quam per equitare.
W. Y.[248.2] judex cum omni consilio Johanni Heidon faciet contra vos et
me et M. T. H. quicquid potest; quare dicit Gregorius, ‘Minus jacula
feriunt quæ prævidentur.’ Si W. P., vester germanus, et T. Playtere, cum
associatis antecederent, plura percipere possent quæ jam non cognoscent,
&c., utinam velletis hoc instancia cordiali considerare in effectu.
Notate q. .[248.3] literam a me primo vobis scriptam de pigricia, &c.,
quanta mala proveniunt ex illa, &c., W. Rokewode est rogatus a W. Y.
judice ut faveat sibi et Tendale contra Wyndham armigerum pro manerio de
Felbrigge, cum pertinenciis, &c., et tunc scietur utrum J. H. favebit
Wyndham vel Judici, &c., cum ejus flatus olim calidus, olimque frigidus
existat, et aliquando nec calidus nec frigidus sed satis tepidus. Sed
oretis cum propheta, ‘Confundantur qui me persequuntur et non confundar
ego, paveant illi et non paveam ego; induc super eos diem affliccionis
et duplici contritione contere eos,’[248.4] domine Deus. Et Psalmista
ait ‘Averte mala inimicis meis et in veritate tua disperde illos’[248.5]
et sequentia. Et [super] inimicos meos despexit oculus meus. Valete in
Christo Jhesu. Scriptum festinantissime, feria vj^{a}. Recommendetis me
specialissime magistro T. H. et J. Berneye, &c.
Vester ad vota,