_To my rygth worchipfull and my good maister, John Paston, Esquyer, in
hast._
[Sidenote: 1460 / [OCT.]]
Rygth worchipfull and my most speciall synguler good maister, I recomend
me to you, besechyng your maistership not to be dysplesed with my long
taryans, and also to take it to no gref thou it were long or I wrot to
you; for in good feyth I wend my self with in sevenygth after Seynt
Feythesmesse[235.3] to have ben at London, and for asmoche as
Suthwell[235.4] desyred me to tarye for evydens gevyng, &c. I promysed
hym so to do and tarye tyll the Munday after Seynt Feythesmesse, or tyll
the Tewysday sevenyth after at the ferthest, and at tho dayes I hard no
word fro hym. And so uppon the Thursday after had I word that the
under-eschetour schuld sytte at Ocle[236.1] the Tewysday after Seynt
Luce;[236.2] and so I tarye as yette, and trust verely to be with you
the Saterday at the ferthest after Seynt Luce. Item, Sir, if my Maister
of the Rolles[236.3] be not come, I trust to God to com tydely i now, as
for the traversys; and if ye besi you to the innyng ther of or I com,
Richard Ley schall delyver hem you, if ye send to hym for it; for I left
hem with hym to gete hem in if he mygth, and promysed hym a reward for
his labour. Item, my maistres[236.4] and all folkes be heyll and mery,
blyssed be Jesu, ho have you in his blyssed governans and proteccion.
By your,