And in semblable wyse, over all this ys owyng to the seyd Fastolf for
prests and wagys of hym and his retenues beyng in the Kings service in
his royaume of Fraunce and duchie of Normandie, as wel abowte the
saufgarde and gouvernaunce of his tounys, castell, and forteresses of
Alaunson, Fresney Le Vicounte, Vernell, Honneflete, as for othir grete
causys and charges born and payd in the Kyng our Souvereyn Lord ys dayes
that nowys, for the avauncement of his conquest, the good and utilite of
hym, of his seyd royaume and duchie forseid, as it apperyth oppenly by
accomptys made in the Chambre of Accompts of Paris and Roon, wherof the
vidimus remaynen with the seyd Fastolf, and also by certeyn debentur
conteynyng the seyd sommes, redy to shewe, wherof the seyd Fastolf
hiderto hath had nouther payement nor assignacion, the somme of
v. m^{l}. iiij^xx ij. marc, xiij_s._ iij_d._ _ob._ sterling.