_To my Maister Paston._
[Sidenote: 1455 / JULY 7]
Please your gode maistership to wete, that as yerstenday came lettres
from London that the Parson[41.2] most nedys up to London to safe the
next amerciement; and so ys forth to appiere, yff he nedys most, xv.
Johannis,[41.3] as ye shall see by Barkers lettre, and shall be to morne
at London, and with Goddes grace he shall be releved by the meene of the
Parlement; by Sonday yee shall hafe weetyng.
As for my maister,[41.4] he departyth not to London tille the next weke
after thys, and [_i.e._ if] he ryde.
As for tydyngs be none couthe [_i.e._ publicly known], but Ponyngs[41.5]
ys qwyt and delyvered of all tresons; and Sir William Oldhale ys process
yn the Kyngs Bynche reversed; and the Priest that accused Lordz
Cromewell,[41.6] Grey,[41.7] and my maister wolle confesse who caused
hym to do it, so that he may have hys lyve, &c.
Assone as ye goodly may to see my maister, it shall be to hym a singuler
pleasir. Sir, a baylly of my maister ys yn Drayton. John Eimond brought
a lettre to yow, and he sent me wetyng he was shent [_abashed_] uppon
som mater, as he supposyth, conteyned yn the lettre. Y pray you yn ryght
be hys gode maister, and that y may wete the cause, for y doubt he shall
and most obbey, yff he hath offended.
At Castr, the noneday,[42.1] vij. day Jullet.
Your,