_To my wurshipfull maister, John Paston, Squier._
[Sidenote: 1455 / JUNE 25]
Mi wurshipfull maister, I recomaunde me to you; and I thanke you that it
plesith you to take seche labour for me as ye doo. My servaunt tolde me
ye desired to knowe what my Lord of Norffolk seid to me whan I spake of
you; and he seid in asmeche as Howard[39.3] myght not be, he wolde write
a lettre to the Under-Shreve that the shire shulde have fre eleccion,
soo that Sir Thomas Todenham wer not, nor none that was toward the Duc
of Suffolk; he seid he knewe ye wer never to hym ward. Ye may[39.4]
sende to the Under-Shreve, and see my Lord lettre. Howard was as wode as
a wilde bullok; God sende hym seche wurshipp as he deservith. It is a
evill precedent for the shire that a straunge man shulde be chosyn, and
no wurshipp to my Lord off Yorke, nor to my Lord of Norffolk to write
for hym; for yf the jentilmen of the shire will suffre sech
inconvenyens, in good feithe, the shire shall not be called of seche
wurshipp as it hathe be.
Wreten atte Intewode, this Wednesday next after Sceint John, in hast.
Your servaunt,