(_Au dos_.) _Dilectis filiis Lugdunensi ac Valentinen. et
Grationopolitan. officialibus et eorum cuilibet_[A].
DILECTI filii, salutem & apostolicam benedictionem. Exponi nobis nuper
fecit dilectus filius syndicus dilectorum filiorum capituli & canonicorum
secularis & collegiate ecclesie Sancti Petri du Bourg les Valence vulgo
nuncupate, prope & extra muros Valentinen., quod ad dictos capitulum &
canonicos ex privilegio apostolico, in cujus possessione ipsi ab
immemorabili tempore reperiuntur, spectat & pertinet punire & corrigere
sacerdotes & clericos delinquentes dicte ecclesie usque ad interdicti
sententiam & beneficiorum suorum substractionem seu privationem, omni
appellatione remota, & ad eum effectum habent certum & peculiarem judicem
capitularem pro causis inter & contra sacerdotes & clericos predict.
vertentibus & movendis, & nihilominus cum antea dilectus filius Raimundus
Benoist, presbiter beneficiatus dicte ecclesie ob diversos graves per cum
commissos excessus, juxta decretum dicti judicis capitularis, personaliter
apprehensus & carceribus mancipatus extitisset, & a personali apprehensione
& carceratione hujusmodi ante latam diffinitivam sententiam ad venerabilem
fratrem archiepiscopum Viennensem sive dilectum filium ejus curie
metropolitane officialem appellasset, idem archiepiscopus sive officialis
in causa huj^{di} nulliter & de facto procedens ac appellationem dicti
Raimundi in prejudicium privilegiorum dicte ecclesie admittens, Raimundum
predict. ad se conduci & acta cause penes se asportari debere declaravit
per ejus decretum diffinitivum, a quo decreto per dict. exponentem ad Sedem
apostolicam appellato, causam appellationis sue huj^{di} ven^{ti} fratri
episcopo Tricastrinen. committi obtinuit; qui quidem episcopus
Tricastrinen. in causa huj^{di} perperam similiter procedens, super petita
per dict. exponentem Raimundi predicti ad dict. judicem capitularem
remissione proferenda desuper sententia sua pronunciare recursavit,
testesque ad se conducendos esse & in negotio principali procedendum
declaravit, per ejus decretum gravamen per diffinitivam irreparabile
exponenti & capitulo ac canonicis predict. eorumque dicto privilegio
inferens: quare pro parte dicti exponentis ad Sedem apostolicam intra
ultima, ut ipse afferit, tempora appellatum & de nullitate dictum extitit,
nobisque humiliter supplicatum ut ei in premissis de opportuno juris
remedio subvenire paterna sollicitudine curaremus. Nos igitur, unicuique
justitiam ut decet ministrari cupientes ipsumque exponentem a quibusvis
excommunicationis, suspensionis, interdicti aliisque ecclesiasticis
sententiis, censuris & penis ... ad effectum presentium duntaxat
consequendum harum serie absolventes & absolutum fore censentes, huj^{di}
supplicationibus inclinati, discretioni vestre, cum sicut idem exponens
afferit ven^{les} fratres archiepiscopus Lugdunen. & Valentinen. ac
Grationopolitan. episcopi ex ordinariis vicinioribus illarum partium
existant, per presentes comittimus & mandamus, quatenus vos vel duo aut
unus vestrum vocatis ad id qui fuerint evocandi, causam ...
appellationis... huj^{di} ac nullitatis ... ex tribus necnon attentatorum &
innovatorum... etiam summarie ... auctoritate nostra audiatis, cognoscatis
fineque debito terminetis & decidatis...: non obstantibus.... Datum Rome,
apud Sanctam Mariam Majorem, sub annulo Piscatoris, die quinta februarii,
MDC.XVIIJ, pontificatus nostri anno tertiodecimo.