[_Lettres de main-levée des commissaires du roi de France_][A].
A tous ceuls qui verront ces presentes lettres, Jehan Barleane & Jehan du
Feu, sergens d'armes du Roy monss. & commissaires en ceste partie de noss.
les tresoriers du Roy nostre dit s. a Paris sur le fait des fiefs & homages
du Roy & autres choses contenues en nostre commission, salut. Comme nous
eussions pris & mis en la main du Roy nostre dit seugneur le chastiel,
justice, terres & possessions du Charmes, appartenans a noble & puissant
seigneur mons. de Crussols, item, au port de Valence, touchant la part &
porcion du dit mons.; item, audit port, touchant & appartenant au chapitle
de Saint-Piere du Bour de Valence; item, au temporel, terres & possessions
de religieuse dame ma dame l'abbese de Soyon, & en signe de ce eussions la
flor de liz es diz lieux pour defaut de fief & homage aussement de feaulte
ou autrement non fait au Roy mons.; & pour tant en tant que il touche le
dit mons. de Crusols, a cause de ses diz chastel, justice, terres &
possessions & port, que nous sommes souffis(ament) informez que le dit
mons. de Crusols tient en fief & homage de mons. l'evesque de Valence, & en
tant que il touche la porcion & part dudit port dudit capitre, nous ne
poons informer que il soit tenus en fie & homage du Roy nostre dit sig.,
pour ce que il ont tenu & posside si longuement que il n'est memoire du
contraire.; & en tant que il touche ladite madame l'abbesse, nous sommes
souffis(ament) informez que la dite ma dame doit au Roy mons., du chast(el)
ou a cause de temporel, terres & possessions, dix livres de cire, pour quoy
nous ladite main qui mise estoient es diz lieux & choses avons levees &
ostees, levons & ostons par ces presentes en tant que fere povons & devons
au prouffit & jussion des sess. diz & dou chastel d'eulx, en tant que il
luz puit toucher. Donne soulz nous seaulx en tesmoing de ce, le XIII jour
de novembre, l'an mil CCC.IIII^{xx} & quinze. Item, au port de Soyon
appartenanz a ladite abbesse, a mons. de Crusols & a mons. de Peregorde,
avons levee comme dessus; donne comme dessus. CLERICI.
[A] Ces lettres se trouvent insérées dans un _vidimus_ du même jour,
dont il est utile de donner un extrait:
_In nomine Domini, amen. Nos Humbertus Garini, licenciatus in legibus,
prepositus & officialis Valentinus, notum facimus ... pres. publ.
instrumentum, transcriptum seu vidimus inspecturis..., quod anno ab
Incarnacione Domini M^{o}CCC^{o}LXXXXV^{o}, indicione quarta & die
sabbati que fuit XIII^{a} mensis novembris, hora vepperorum, ad
nostram accessit presenciam discretus' vir dom. Bartholomeus Bruni
major, procurator ecclesie S^{i} Petri de Burgo Valencie, qui ...
exhibuit & presentavit coram nobis quasdam patentes literas in papiro
scriptas a discretis viris Johanne Barleane & Johanne du Feu,
servientibus armorum serenissimi principis dom. regis Francorum &
commissariis in hac parte specialiter deputatis, emanatas eorumdem
commissariorum sigillis rotundis cera rubea, ut in eisdem literis
legitur, sigillatas, sanas & integras...; supplicans humiliter ... ut
nos dict. literas ... in formam publ. redigi facere dignaremur ad
perhempnem memoriam habendam in futurum.... Nos vero, suplicationi ...
annuere volentes, precepimus.... Quas quidem literas...; & hiis
omnibus ... sedentes in studio domus habitationis nostre super quoddam
scannum quod pro tribunali elegimus more majorum..., auctoritatem
nostram ordinariam interposuimus pariter & decretum.... Acta fuerunt
hec Valencie... in studio habitationis nostre..., testibus presentibus
ven^{li} & discreto viro mag. Johanne de Sala jurisperito, Johanne de
Aymoneto habitatore Valencie & Johanne Burleti de Castro Novo Ysere,
Valent. diocesis.--Tenor vero copie commissionis dict. duorum
commissariorum sequitur....--Et me Jacobo de Fraxino, clerico
Cameracen. diocesis, pub, imp^{li} auct^{te} notario & curie Valent.
jurato...._
L'original de cet acte a 80 lig., avec sceau appliqué sur papier. Le
salaire du notaire est indiqué par cette note: _Sol(vit) dom. Bartholomeus
Bruni pro scriptura presentis instrumenti vi grossos, item pro sig(no) VII
d(enarios_). Une autre résume l'objet des lettres de main-levée: _Bona
litera de facto portus Rodani, qualiter duo comissarii regii, deputati ad
faciendum fieri recognitiones feudorum & homagiorum qui tenentur a dom.
rege Franchorum, cognoverunt & declaraverunt vigore eorum comissionis quod
portus Rodani non tenetur de feudo dicti dom. regis_.
* * * * *