[Sidenote: 1467 / JAN. 22]
This wrytenge made at London the vj^te yer of Kynge Edward the iiij. and
the xxij. day of Jenever wytnesseth what stoffe my master Sir John
Howard hath delyverd to my Lady his wyfe in this monyth of Jenever.
Ferst ij. rynges of goolde set with good dyamawntes, the wyche the quene
yaff my master.
Item, a rynge of goolde with a fyne rubye.
Item, a nowche of goolde set with a fyne safyre, a grete balyse and v.
perles.
Item, my master yaff here a fyne pece of holand clothe as good as Reynes
conteynenge in length xl. yerdes, the yerde was wele worth iiij_s._
Item, my master gaff her a noder pece of holand clothe, corser,
conteynenge in lengthe more than xl. yerdes, the yerde was worthe ij_s._
iiij_d._
Item, my master gaff her a longe gowne of fyne cremysen velvet furred
with menyver and purfeled with ermynes.
Item, my master gaff her a longe gowne of fyne grene velvet furred with
menyver and purfeled with ermynes.
Item, my master gaff her vij^xx scynnes of fyne ermynes.
Item, my master gaff her vij. yerdes and di. of fyne grene velvet.
Item, my master gaff here vij. yerdes of cremyson velvet.
Item, my master gaff here a devyse of goolde with xiiij. lynkes and the
ton halffe of the lynkes enamyled set with iiij. Rubyis iij. dyamawntes
and vij. perles.
Item, my master gaff her an nothe devyse of goolde of the same fassyon
with odre xiiij. lynkes, and theryn vij. Rubyis and vij. perles.
Item, my master gaff her a gyrdyll of clothe of goolde and the harneys
of goolde.
Item, my master gaff her a gyrdyll of grene damaske and the harneys of
sylver and gylte.
Item, my master gaff her iij. edges of blak velvet set with lviij.
perles.
Item, my master gaff here a longe gowne of blak velvet furred with
martrys and purfeled with marteres.
Item, my master gaff her a longe gowne of murrey furred with menever and
purfeled with ermynes.
Item, my master gaff here a coler of goolde with xxxiiij. roses and
sonnes set on a corse of blak sylke with an hanger of goolde garnyshed
with a saphyre.
Item, my master gaff her iiij. owches of goolde garnyshed with iij.
rubyis, a saphyre, an amytes, an emerawde and xv. perles.
Item, my master gaff here a peyr of bedes for a gentylwomannes nekke
gawdeid with viij. gawdeid of goolde and viij. perles.
Item, a rynge with a grete saphyre.
Item, my master gaff her a nother ryng with an amytes.
Item, my master gaff her iij. Agnus Dei of goolde.
Item, my master gaff her a gret sygnnet of goolde with the vernycle.
Item, my master gaff her v. odre ryngis of goolde withowt stones.
Item, my master gaff her a cheyne of goolde with a lokke of goolde
gernyshed with a rubye.
Item, my master gaff her a lytell gerdyll of sylke and goolde called a
demysent and the harneys of goolde.
Item, my master gaff her a longe of vyolet engreyned furred with martres
and purfeled with martres.
Item, the xviij. day of Feverer my master delyverid to my Lady to have
to Braye a bed of cremysen damaske embrowdered with Cyle counterpoynte
and testour all affter one.
Item, the same day my master delyverid my Lady a bede, a cyle,
a counterpeynt and a testor of Aras with out goolde.
Item, a pece of Aras for hangenge conteynenge in length xj. yerdes and
iij. quarters.
Item, a nother pece of Aras conteynenge in length viij. yerdis and iii.
quarters.
Item, a nother pece conteynenge vij. yerdis a quarter and di. in length.
Item, a nother pece of Aras conteyneng v. yerdes and iij. quarteres in
length.
Item, delyverd to my said Lady iiij. peces of new Aras wyche cam late
fro Caleys wereof on is a covertore fore a bedde and the todde [_sic_]
iij. ar tapettes conteynenge all iiij. peces in flemesh elles square C
iiij^xx xij.
Item, my master left at London at his departynge to Braye in his place
in Bathe Rowe the xx. day of feverer ij. brede clothes of Blewe.
Item, the vij^th yer of Kynge Edward the iiii^th and the xvj. day of
March, my master sent to my Lady to Bray a longe coshon of cremesen
velvet and iij. schorte coshones of cremesen velvet. Item, a longe
coshon of grene velvet and ij. short cushones of grene velvet.
Item, the same tyme my master delyverd her a cheyne of goold of the olde
facyon prise iiij. markis.
Item, the yere above said and the xvj. day of Apryll, my master delyverd
to my Lady v. sylver spones.
* * *
_Added in Sir John Howard’s own hand:_-- And the vij. zere of the kenge
and in the monithe of Janever I delyvered my wyffe a pote of selver to
pote in grene genger that the kenge gaffe.