_To my right singler maister, J. Paston, Squyer, in hast, &c._
[Sidenote: 1462 / MARCH 24]
After due recomendacion, please it your maistership to wyte Maister
Yelverton, justice, seid in the Sessions that the Kyng shulde kepe his
Estern at Bury, and from thens come unto this cuntre and se suyche
riottes as have be in this cuntre punyshed in suche fourme as happely
summe shulde hange by the nekke. And he tolde what thank he had of the
Kyng at Cambrigg for cause he declarid so well the charge of extorcions
doon by Shirefs and other officers, &c., for the whiche declaracion the
Kyng tooke hym by the hand, and seid he cowde hym grett thanke, and
prayed hym so to do in this cuntre, &c.
In hast, at Norwich, the Wednesseday next tofore th’Annunciacion, &c.
Your povere,