Where off sum is repayrid, sum maye be sperid, but at the lest it woll
coste yow a vj. marc, &c.
If it please yow to take myn symple avyse in your wode sale, selle non
in gret, but make fagottes and astell and lete alle your grete and goode
tymber and trees stande, and ze shall make resonably mony to your
worchep, and to your best avayle as John Shawe your servaunt shall telle
yow, if I maye do zow any service in this c . . . . ze shall ffynde me
redy, so that ze sende sufficient warant be the grace off Jesu, Who haue
y[ow in His] kepyng. Wrete in hast, at Walsyngham, the Sundaye next
aftyr the feest off the Assencion off owr [Lord] Jesu Cryste.