‘Thus endeth this noble and joyous boke, entytled La morte
d’Arthur. Notwithstondyng it treateth of the byrth, lyf, and actes
of the sayd Kynge Arthur, of his noble knyghts of the rounde table,
theyr merueylous enquestes and aduentures, thacheuynge of the
Sancgreal and in the ende the dolourous deth and depaytynge out of
this worlde of them al; whyche boke was reduced into Englysshe by
syr Thomas Malory, Knight, as afore is sayd, and by me devyded into
xxi. bookes, chapitred and enprynted, and fynisshed in thabbey,
Westmestre, the last day of Juyl, the yere of our Lord MCCCCLXXXV.
Caxton me fieri fecit.’