En nokt' okazis uragan',
La maron montigante;
Tabakon macxis Barni Bunt,
Al Bolin Bill dirante--
"Nordokcidenta blovas, Bill,
Cxu vi gxin auxdas brui nun?
Helpu ilin Di', bedauxras mi
Bordanojn malfelicxajn nun!
Urbanaj malsagxuloj, kun
Dangxer' en cxiu vento,
En lito mem tremadas nun,
Ke falu la tegmento!
Mizeraj ja envias nin,
Mi kredas, dezirante
La sorton kiun trafis ni,
Sur ocean' estante!
Kaj kiuj pri aferoj en
La strato promenadas,
Por kisi familion, jen,
Nun hejmen rapidadas;
Dum sur ferdeko vi kaj mi
Kusxigxas kun plezuro,
Ekflugas cxirkaux ili nun
Fumpotoj sen mezuro!
Maranoj ofte auxdis ni,
Ke homoj perdas monon,
Kaj riskas ecx la vivon, se
Veturas en Londonon;
Landanoj timas, scias ni,
Nobeloj aux vestistoj;--
Cxielon danku, vi kaj mi,
Ke estas ni maristoj!"
_Tradukis_ B. Elmy.