* * *
Sinjorino B. atendis viziton de la Episkopo, kaj sxi instruis la
knabserviston kion li devas fari. "Kiam vi alportos al lia mosxto
varman akvon, vi frapos je la pordo. Sendube la Episkopo demandos
"Kiu frapas?" Tiam vi devas respondi "La Knabo, mia Sinjoro."
La Episkopo venis kaj poste supreniris en sian cxambron. La knabo
frapis kaj li demandis "Kiu estas tie?" La timema knabo respondis "La
Sinjoro, mia knabo."
* * *
Jen kio okazis al Anglolando, laux la gajhumora franca verkisto
Alphonse Allais. "Cxar de longege oni elfosis Anglolandon por eltiri
karbon kaj feron, la granda insulo farigxis tute kava, kaj sekve pli
malpeza ol la akvo kiu gxin cxirkauxas. Gxi do nagxis. Sed la Angloj
kiuj timis ke ilia patrujo povus fornagxi al la Kontinento elpensis
kaj almetis la fadenegojn telegrafajn kiuj ludas la rolon de sxnuroj
alligantaj la insulon al la firmajxo. Sekve Anglujo estas firme
fiksita kaj ne povos perdigxi en oceano."
_Tradukis_ E. Legoffre.
* * *
Maristeto demandis sxipestron: Se oni scias kie objekto kusxas, cxu
oni povos diri ke gxi estas perdita?
Neniel, respondis la sxipestro.
Nu, via argxenta krajoningo ne estas perdita, cxar mi scias ke gxi
kusxas sur la fundo de la maro.