Eldonante novan organon estas kutime ke la Redaktoro skribu
malmultajn vortojn pri gxia celo. Sed, cxar Sinjoro Stead tiel
kapable faris tiuncxi en la unua artikolo, mi nur deziras rediri ke--
(1). _Nia celo estas disvastigi Esperanton kaj unuigi Anglajn
Geesperantistojn._
(2). _Tiu cxi Gazeto neniel estas politika organo._
Ni korege fidas ke nia legantaro trafigos nin.
Jen estas tri gravaj metodoj por varbi novajn rekrutojn.
(1). _Paroladi kiel eble plej ofte pri Esperanto._
(2). _Disdoni librojn kaj brosxurojn._
(3). _Skribi leterojn kaj artikolojn pri Esperanto al jxurnaloj,
cxiam enhavante adreson de iu, kiu respondos al demandoj pri la
lingvo._
Cxiuj povas utiligi la unuan el tiuj cxi propagandiloj.
La libroj-disdono estas por ricxuloj, kaj ni esperas ke ili disdonos
niajn unufoliegojn kiuj estas acxeteblaj je la stacidomaj librejoj de
Sroj. W. H. Smith & Sons. La verketo No. 52 ankaux estas tauxga
lernlibreto por eklernantoj.
Multaj amikoj jam skribis utilegajn artikolojn pri, per, pro, por
Esperanto, kaj tial varbis multajn aligxantojn. Korege ni deziras
danki ilin, kaj ni esperegas ke ili uzados tiun cxi bonegan metodon
por disvastigi Esperanton. Ni cxiam provos dauxrigi la korespondadon
kaj per dankesprimo akceptos prestrancxajxojn, kiam ajn oni sendos
ilin al ni.
Skeptikuloj ofte diras "Cxu mi gajnus se mi eklernus Esperanton?" La
vera respondo certe estas "Jes"; sed ni devas aldoni ke oni povos
perdi monon per Esperanto. Ni jxus ricevis Esperante-presitan sciigon
pri fremda loterio. La papero estas tre bona ekzerco por lernanto;
sed ni ne fidas je loterioj, kaj ni esperas ke nia legantaro atendos
gxis kiam oni sendos cxi tie anoncojn pri pli bonaj komercaj aferoj
ol loterioj antaux komencante rilatojn kun fremduloj. Kiam tiu cxi
tempo venis, ecx skeptikuloj silentigxos.
Por fini, mi deziras aldoni koregan dankesprimon al cxiuj Gesinjoroj
kiuj helpis min en mia malfacila verko, kaj kiuj, mi korfidas,
dauxrigos siajn helpojn en la estonteco.
La Redaktoro.