Unua vorto en unua artikolo de la unua ekzemplero de tiu cxi Gazeto
estas signifa. "Esperanto!" Espero estas la sxlosilo de la tuta
movado. Ni do esperas ke ni movadas. Cxar ni esperas, ni eldonas tiun
cxi Gazeton, ni fondas Esperantistajn grupojn kaj ni faradas cxion,
kion ni povas, por disvastigi Esperanton en la mondo.
Esperantistoj ne utiligas maloptimistojn. Al "Giganto Malespero"
Esperanto estas sigelata libro. Kaj Espero, kiel sia fratinvirto
Fido, antauxvidas je la estonteco, ridas je nepoveblecoj kaj diras
"Gxi devas fari."
Kvankam Esperanto estas enradikata en kristanaj virtoj kaj lia idealo
estas atingebla nur en malproksima estonteco, gxi tamen estas unu el
la plej simplaj kaj klare necesaj aferoj en la mondo. Gxi estas tiel
simpla kaj necesa ke ni miregas ke homaro nur nun elpensis gxin. Nun
estas neeble prokrastadi gxian enkondukon, kiel necesega ilo por
internaciaj interrilatoj.
La deknauxa centjaro, pli faciliginte vojagxojn, necesigis elpenson
de internacia lingvo. La dudeka centjaro devas universaligi gxian
alprenon. Gxis tiam kiam _lingua franca_ aux universale akceptita
helpanto lingvo estas alprenata de cxiuj nacioj, la pliigxo de
internaciaj rilatoj estas ankaux pliiga laboro, ekkoleremeco kaj
malkomprenecoj.
Diversaj provoj estas jam faritaj por doni similan ilon. Unu post la
alia, ili malgrandigxadis gxis la nuna tempo, kiam Esperanto venkis.
Estas kredeble ke, je kuro de agxoj, homara sagxeco povus elpensi
lingvon pli idealan ol Esperanto, sed ni ne povas atendi. Ni bezonas
helpantan lingvon, kaj ni tuj bezonas gxin. Kaj, cxar per unanima
konsento de cxiuj el la plej kompetentaj auxtoritatuloj, Esperanto
estas la plej bona sxlosillingvo gxis nun elpensita; cxar oni ne
povas dubi ke gxi estas multe la plej disvastigata kaj komprenata; ni
invitas cxiujn Geanglojn ellerni Esperanton.
Speciale ni skribis "sxlosillingvon" cxar estas necese je la komenco
akcentegi la fakton ke nenia Esperantisto esperas aux deziras
anstatauxi alian lingvon per la enkonduko de Esperanto. Neniu songxas
devigi cxiujn mondlogxantojn forlasi uzadon de siaj propraj lingvoj,
kiam ili interparolas kun gesamlandanoj en limoj de siaj naciaj
kaj domaj rilatoj. Oni nur antauxmetas Esperanton kiel dua
lingvo, kiu, se universale uzita, ebligus cxiulandanojn facile
interkomunikadi kun ia fremdulo, kia ajn estu lia patruja lingvo.
Tio kion ni esperas estas fari homaron dulingva.
En tiu cxi Gazeto, fondita je Espero kaj Konfido ke la estonteco
pravigos nian kredon, ni kuragxigxas antauxmeti koregan peton ke nia
legantaro etendos al ni la Bonfaradon kiun ni bezonos por senkulpigi
la neeviteblajn erarojn de novicoj. La kredo je redaktora cxioscio
estas gxenerale absurda, kaj estus tro memfida kaj ridinda en simila
eldono je tiu cxi, kie Redaktoro kaj Kunlaborantoj estas cxiuj
eklernantoj.
Cxiuj proponoj kaj kritikoj estos plezure kaj per dankesprimoj
ricevataj.
"Neniu el ni estas senerara, ecx la plej juna" estas sagxa proverbo,
precipe inda je akcepto de tiuj en entrepreno simila je tiu cxi, kie
ni cxiuj estas pli aux malpli novicoj, uzante lingvon kiu ankoraux
estas en sia infaneco.
Jen estas resumo de la kauxzoj kiuj fondigis tiun cxi organon de la
Esperanta movado en Britujo.
Ni estas Esperantistoj cxar ni havas esperon kaj konfidon je la
progreso de homaro.
Ni estas Esperantistoj cxar ni kredas ke, pro la sencxese kreskantaj
facilecoj por internacia komunikado, la alpreno de helpanta lingvo
estas neevitebla kaj absolute necesa.
Ni estas Esperantistoj cxar la alpreno de Esperanto ebligos al
cxiajnaciaj homoj partopreni la plej bonajn aldonojn kiujn cxiu povis
aldoni al la pensoj kaj sciigoj de la mondo.
Ni estas Esperantistoj cxar jen estas bonaj komercaj profitoj per la
alpreno de simila ilo per kiu komercistoj povos priskribi, anonci kaj
vendi siajn produktojn en cxia lando sen la deviga helpo de
tradukistoj; kaj fine--
Ni estas Esperantistoj cxar, sen simila sxlosillingvo, ni neniam
povos praktike efektivigi la altegan veron pri la universala frateco
de cxiuj nacianoj.
Tial ni eldonas tiun cxi malgrandan organon kaj korege invitas
cxiujn, kiuj partoprenas tiujn cxi fidojn kaj idealojn, informigxi
pri tiu cxi Esperantista movado kaj vidi por si cxu ne estus bone ke
ankaux ili aligxus al Esperantistaro.
_Lauxvorte tradukita de la_ Redaktoro.