The e'e o' the dawn, Eliza,
Blinks over the dark green sea,
An' the moon 's creepin' down to the hill-tap,
Richt dim and drowsilie.
An' the music o' the mornin'
Is murmurin' alang the air;
Yet still my dowie heart lingers
To catch one sweet throb mair.
We've been as blest, Eliza,
As children o' earth can be,
Though my fondest wish has been knit by
The bonds of povertie;
An' through life's misty sojourn,
That still may be our fa',
But hearts that are link'd for ever
Ha'e strength to bear it a'.
The cot by the mutterin' burnie,
Its wee bit garden an' field,
May ha'e mair o' the blessin's o' Heaven
Than lichts o' the lordliest bield;
There 's many a young brow braided
Wi' jewels o' far-off isles,
But woe may be drinkin' the heart-springs,
While we see nought but smiles.
But adieu, my ain Eliza!
Where'er my wanderin's be,
Undyin' remembrance will make thee
The star o' my destinie;
An' well I ken, thou loved one,
That aye, till I return,
Thou 'lt treasure pure faith in thy bosom,
Like a gem in a gowden urn.