VERBA.

Accipiō, adsum, afficiō, agō, ambulō, aperiō, ascendō, attinēre

ad, audiō, bibō, cadō, caedō, capiō, cādō, cingō, claudō, cōgō, colō,

cōnor, cōnsentiō, crēdo, crēscō, cūrō, currō, decet, dēcipiō, decorō,

dēfendō, dēscendō, dēsistō, discō, doceō, doleō, dō, dūcō, edō,

efficiō, emō, eō, faciō, ferō, fīō, fleō, fluō, frangō, fruor, fugiō,

gaudeō, gerō, habeō, habitō, haereō, iaceō, iaciō, imperō, impōnō,

incipiō, indūcō, induō, īnsum, intellegō, iungō, iubeō, laudō, legō,

līberō, licet, loquor, lūdō, maneō, meminī, mīsceō, mīttō, mōnstrō,

morior, moveō, nārrō, nāscor, nesciō, noceō, numerō, oportet, ōrnō,

ōrō, pāreō, parō, pendō, perdō, persuādeō, petō, placeō, pōnō, poscō,

possum, praebeō, premō, proficīscor, pūgnō, pulsō, putō, quatiō,

rapiō, recitō, reddō, redeō, relinquō, reperiō, respondeō, rīdeō, rogō,

scrībō, secō, sedeō, sīgnificō, sinō, soleō, spectō, spīrō, stō, surgō,

taceō, taedet, tangō, tegō, teneō, tendō, timeō, tollō, trahō,

ūtor, vehō, vēndō, veniō, vertō, videō, vincō, vīvō, vocō, volō

(velle).

ADIECTĪVA.

Ācer, aptus, bonus, calidus, certus, clārus, contrārius, crūdēlis,

dīgnus, dīves, dubius, dulcis, facilis, fēssus, grātus, gravis,

honestus, humilis, inānis, īnsānus, īrātus, iūstus, levis, longus,

māgnus, malus, medius, mīrus, miser, mollis, multus, niger,

nōbilis, novus, parvus, plēnus, praesēns, pūblicus, pulcher,

pūrus, rēctus, Rōmānus, ruber, sacer, saevus, sānus, sērus,

similis, stultus, summus, tacitus, tālis, tūtus, validus, varius,

vērus.

ADVERBIA.

Anteā, bene, breviter, celeriter, certē, cūr, deinde, diū,

dīligenter, ferē, forte, fortāsse, herī, igitur, interdum, intus,

iterum, ita, longē, male, māne, nimis, nunquam, nunc, ōlim,

omnīnō, paene, plērumque, posteā, repente, retrō, semper, sērō,

saepe, tandem, valdē, vix, ūsque.

abdicō, -āre; _aliqua rē sē abdicāre_ = aliquam rem omīttere, dēpōnere,

cēdere ab aliquā rē.

abeō, -īre, -īvī (-iī), -itum; ex hōc locō in alium eō.

abripiō, -ere, -ripuī, -reptum; ab aliquō rapiō.

abrōdō, -ere, -sī, -sum; ab aliquā rē rōdō.

abscīdō, -ere, -cīdī, -cīsum; ab aliquā rē secō.

abstineō, -ere, abstinuī, abstentum; ā cibō mē abstineō sī nōn edō.

abstrahō, -ere, -trāxī, -tractum; ab aliquō trahō.

absum, -esse, āfuī; nōn adsum.

accelerō, -āre; celerius īre faciō, vel cōgō.

accidō, -ere, accidī; id accidit quod cāsū, vel forte, fit.

accumbō, -ere, -cubuī, -cubitum; iaceō.

accurrō, -ere, accurrī, accursum; ad aliquem locum currō;

currō est celeriter eō, fēstīnō.

accūsō, -āre; apud iūdicēs aliquem scelus admīsisse affīrmō.

Sī quis "Hominem," inquit, "interfēcistī," mē ut sīcārium accūsat.

addūcō, -ere, -dūxī, -ductum; dūcō ad.

adeō; ita.

adeō, -īre, -īvī, -itum; eō ad.

adferō, -ferre, attulī, allātum; ad aliquem ferō vel portō.

adhibeō, -ēre; habeō, mōnstrō, praestō.

admīror, -ārī; id quod mīrābile est admīror.

adportō, -āre; portō ad.

adstō, -stāre, -stitī; prope aliquem stō.

adultus est is quī iam nōn crēscit; homō.

āēr, āëris (m.); āëra spīrāmus et respīrāmus; sine āëre vīvere nōn possumus.

Aesōpus, -ī (m.); fābulārum scrīptor.

aestus, -ūs (m.); ārdor; mōtus aquae, sanguinis, maris, cēterōrum.

affīgō, -ere, -fīxī, -fīxum; iungō.

affīrmō, -āre; dīcō.

aggredior, -ī, -grēssus sum; impetum faciō in, contrā aliquem currō.

agitō, -āre; quatiō.

āgnōmen, -inis (n.); nōmen quod aliī nōminī additum est.

āgnōscō, -ere, -nōvī, -nitum; quis vel quālis sit intellegō.

agricola, -ae (m.); quī agrōs colit.

āiō; dīcō _ita_, nōn negō.

aliquantulum; nōn multum.

aliter; aliō modō.

alligō, -āre; vinciō.

alloquor, -ī, allocūtus sum; loquor cum aliquō.

amiciō, -īre, -icuī _vel_ -ixī, -ictum; vestēs induō.

amputō, -āre; partem abscīdō.

angō, -ere, ānxī, ānctum _vel_ ānxum; iugulum comprimō.

animadvertō, -ere, -vertī, -versum; animum ad aliquid vertō; percipiō; videō.

anus, -ūs (f.); fēmina multōs annōs nāta; fēmina prōvectae aetātis.

appellor, -ārī; nōmen est mihi.

appōnō, -ere, -posuī, -positum; ad aliquem pōnō; praecipuē in mēnsā pōnō.

appropinquō, -āre; eō ad.

arātrum, -ī (n.); īnstrūmentum quō agrōs arāmus. Vidē pāginam trīcēsimam sextam.

arbitror, -ārī; putō.

arceō, -ēre, arcuī; dēfendō; in contrāriam partem vertō.

arcus, -ūs (m.). [Image: a bow]

ārdeō, -ēre, ārsī, ārsum; calidus sum.

ārdor, -ōris (m.); vīs sōlis, īgnis, cēterārumque rērum calidārum.

argenteus, -a, -um; id est argenteum quod ex argentō factum est.

argentum, -ī (n.); metallum albī colōris ex quō nummōs facimus.

argilla, -ae (f.); terra mollis ex quā vāsa facimus.

arō, -āre; arātor arat agrum arātrō. Vidē pāginam trīcēsimam sextam.

arrīdeō, -ēre, -rīsī, -rīsum; paene idem quod _rīdeō_.

ars, -tis (f.); _ars grammatica_ grammaticīs librīs continētur;

ars poētae est carmina compōnere, pīctōris pīctūrās pingere.

artus, -ūs (m.); pars vel membrum corporis.

as, assis (m.); nummus.

asellus, -ī (m.); asinus; animal omnium stultissimum quod longās habet aurōs.

asser, -eris (m.); vidē lectīcam apud pāginam vīcēsimam octāvam.

assurgō, -ere, -surrēxī, -surrēctum; surgō.

ātrium, -iī (n.); māgna cella in mediā parte domūs. Vidē pāginam quārtam.

attendō, -ere, -tendī, -tentum; valdē tendo, vertō ad;

_amimum attendere_ est animum ad aliquid advertere.

Advertō = vertō ad. Attentō animō = summā cūrā.

auferō, -ferre, abstulī, ablātum; ab aliquō rapiō.

aufugiō, -ere, -fūgi; ab aliquō fugiō.

aura, -ae (f.); ventus lēnis vel mollis; āēr.

auris, -is (f.); id quō audīmus.

āvellō, -ere, -vulsī (-vellī), -vulsum; abripiō; vī abstrahō.

avidē; adverbium ab adiectīvō _avidus_ ductum.

avidus, -a, -um; is est avidus quī nimis edit.

avunculus, -ī (m.); mātris frāter.

āxis, -is (m.); pars currūs vel raedae cuī rotae iunguntur.

Bacchae, -ārum (f.); fēminae quae saliunt dum sacra Bacchī honōris causā agunt.

Bacchus, -ī (m.); deus vīnī.

baculum, -ī (n.); senex īnfirmus dum ambulat baculum sēcum portat

quō facilius prōgrediātur.

balneum, -ī (n.); stāgnum in quō natāre licet. Vidē pāginam quārtam decimam.

benīgnus, -a, -um; contrārium quam _crūdēlis_.

brācae, -ārum (f.); vidē pāginam septimam decimam.

būbula, -ae (f.); carō bovis.

caelātus, -a, -um; nōn pūrus sed variīs figūrīs ōrnātus et decorātus.

calceus, -ī (m.); quod pedibus induimus vel indūcimus.

calculus, -ī (m.); lapis parvus.

capillātus; nōbilis. Hōc sīgnificat quia nōbilēs iuvenēs

capillum longum habēbant.

Capillus est id quod in capite crēscit.

carcer, -eris (m.); locus ubi malōs hominēs cūstōdīmus.

carnifex, -icis (m.); quī hominēs damnātōs occīdit, vel interficit.

carō, carnis (f.); pars corporis mollior quae ossa quasi amicit.

Carnem, pānem, piscēs edimus.

carpō, -ere, carpsī, carptum; capiō; colligō, rapiō.

cauda, -ae (f.); pars corporis quam hominēs nōn habent.

causidicus, -ī (m.); is quī causās agit et ōrātiōnēs ad iūdicēs habet.

caveō, -ēre, cāvī, cautum; cūram adhibeō nē quid accidat.

Dum magister appropinquat discipulī _Cavē_ exclāmant. Cavē canem.

celebrō, -āre; diēs fēstōs celebrāmus.

cella, -ae (f.); pars domūs quattuor inter mūrōs.

cēnō, -āre; cēnam edō.

centuriō, -ōnis (m.); centum mīlitum dux.

cernō, -ere, crēvī, crētum; percipiō, videō.

certus, -a, -um; nōn dubius.

cēssō, -āre; dēsistō.

cēterī, -ae, -a; omnēs aliī.

cēterum; sed.

cibus, -ī (m.); quicquid edimus.

circiter; circā.

circumdō, -are, -dedī, -datum; cingō.

clāmō, -āre; māgnā vōce loquor.

claudicō, -āre; nōn bene ambulō. Claudicāmus sī pedēs nōbīs sunt laesī.

claudus, -a, -um; claudus est is quī claudicat.

cōgnōscō, -ere, -nōvī, -nitum; reperiō.

colligō, -ere, -lēgī, -lēctum; ūnum in locum pōnō.

collum, -ī (n.); pars corporis in quā situm est caput.

colōnia, -ae (f.); hominēs quī in aliam terram migrant colōniam faciunt,

vel colōniam dēdūcunt.

coma, -ae (f.); crīnis vel capillus; id quod summō in capite crēscit.

comedō, -ere, -ēdī, -ēsum; omnīnō dēvorō.

comitor, -ārī; eō cum aliquō; comes eī sum.

comminus; contrārium quam _ēminus_.

compōnō, -ere, -posuī, -positum; faciō, scrībō.

comprehendō, -ere, -prehendī, -prehēnsum; intellegō;

capiō aliquem ut in carcerem eum iaciam.

comprimō, -ere, -pressī, -pressum; vehementer premō.

computō, -āre; numerō.

conciliō, -āre; _conciliāre mihi amīcōs_ = parāre mihi amīcōs.

concipiō, -ere, -cēpī, -ceptum; _scelus concipiō_ = scelus faciō.

conclāve, -is (n.); cella.

condiscipulus, -ī (m.); quī mēcum discit.

condūcō, -ere, -dūxī, -ductum; pecūniam alicuī solvō

ut aliquā rē mihi ūtī liceat.

cōnferō, -ferre, -tulī, -lātum; sē cōnferre = īre.

cōnfundō, -ere, -fūdī, -fūsum; paene idem quod mīsceō.

cōniciō, -ere, -iēcī, -iectum; iaciō contrā.

cōnscius mihi sum; sciō me aliquid fēcisse.

cōnsēnsus, -ūs (m.); cum omnēs cōnsentiunt, vel idem putant, est cōnsēnsus.

cōnsīdō, -ere, -sēdī, -sessum; inter aliōs sedeō.

cōnsīgnō, -āre; nōmen meum scrībō.

cōnsilium, -iī (n.); modus vel ratiō aliquid agendī.

cōnspiciō, -ere, -spexī, -spectum; videō.

cōnstituō, -ere, -uī, -ūtum; in animō habeō.

cōnsul, -ulis (m.); summus apud Rōmānōs magistrātus.

cōnsūmō, -ere, -sūmpsī, -sūmptum; ita ūtor aliquā rē ut nihil maneat.

contendō, -ere, -tendī, -tentum; fēstīnō ad;

_cum aliquō contendō_ = contra eum pūgnō.

contineō, -ēre, -tinuī, -tentum; intus habeō.

convīva, -ae (m. f.); quī apud eandem mēnsam cēnant convīvae sunt.

coquō, -ere, coxī, coctum; īgnī vel aquā calidā cibum ad cēnam parō.

coquus, -ī (m.); is quī cibum coquit.

cottīdiē; diem ex diē, per omnēs diēs.

crepundia, -ōrum (n.); rēs quae sī quatitur sonum facit.

Īnfantēs crepundiīs māximē gaudent; itaque cum vāgiunt crepundia quatimus.

crēta, -ae (f.); rēs quaedam alba quā in tabulā nigrā scrībimus.

crībrum, -i (n.). [Image: a sieve]

crūs, crūris (n.). [Image: a leg]

crūstulum, -ī (n.); dulce cibī genus; puerī crūstula edere amant.

cubiculum, -ī (n.); cella ubi dormīmus.

cubō, -āre, cubuī, cubitum; in lectulō recumbō ut dormiam.

culīna, -ae (f.); locus ubi coquus cibum coquit.

culter, -trī (m.); id quō aliquid secāmus.

cupiō, -ere, -īvī (-iī), -ītum; volō.

cūriōsē; cum cūrā; māgnā cūrā.

currus, -ūs (m.); curribus vehimur.

cursus, -ūs (m.); _verbum_ est _currō_; _nōmen_ est _cursus_.

curūlis, -e; sella curūlis est sella magistrātūs.

cūstōdiō, -īre; cūstōs cūstōdit.

daedalus, -a, -um; variī colōris.

damnō, -āre; condemnō; iūdicēs scelerātōs damnant, poenās ab eīs sūmunt.

damnum, -ī (n.); sī quid perdō damnum patior; sī quid laeditur damnum accipit.

dēbeō, -ēre; oportet mē.

dēcēdō, -ere, -cēssī, -cēssum; cēdō; ē locō mē moveō, mē recipiō.

dēcertō, -āre; pūgnō, contrā aliōs contendō.

decōrus, -a, -um; decōrum est id quod decet.

dēiciō, -ere, -iēcī, -iectum; ad terram iaciō; praecipitō.

dēlectō, -āre; gaudium praestō; delector = gaudeō.

dēnique ūnum ex adverbiīs est quōrum est seriēs

prīmō, deinde, dēnique, postrēmō.

dēpōnō, -ere, -posuī, -positum; pōnō, omīttō, abiciō.

dētrahō, -ere, -trāxī, -tractum; abstrahō, capiō ab.

dēversōrium, -iī (n.); taberna, stabulum;

locus quō ē viā devertimus cum domum ante noctem pervenīre nōn possumus.

dēvorō, -āre; edō celeriter; cōnsūmō.

difficilis, -e; nōn facilis.

digitus, -ī (m.); pars manūs vel pedis;

vīgintī igitur digitōs habeō, decem in manibus, in pedibus decem.

dīmīttō, -ere, -mīsī, -mīssum; abīre iubeō.

discēdō, -ere, -cēssī, -cēssum; idem quod recēdō.

dispōnō, -ere, -posuī, -positum; ex ōrdine pōnō.

domina, -ae (f.); uxor dominī.

dōnō, -āre; dō.

dormiō, -īre; nocte in lectulīs dormīmus cum claudimus oculōs.

dubitō, -āre; nōn prō certō habeō.

dubius, -a, -um; contrārium quam _certus_. _Nōmen_ est _dubium_.

dulce adverbium est; _adiectīvum_ est _dulcis_.

ecce; vidē, spectā. Exclāmātiō est.

effugiō, -ere, -fūgī; fugiō ex aliquō locō.

ēgredior, -ī, -grēssus sum; exeō.

ēgregius, -a, -um; optimus, eximius.

ēminus; longē, ex longinquō ex longō spatiō.

ēmīttō, -ere, -mīsī, -mīssum; mīttō vel iaciō ex aliquā rē.

epistula, -ae (f.); aliquid scrīptī quod aliī mīttimus.

eques, -itis (m.); mīles quī ex equō pūgnat.

equidem; ego quidem; ego prō meā parte.

errō, -āre; nōn rēctē putō, vel faciō.

ēsca, -ae (f.); parva pars cibī. Cibus est id quod edimus.

ēvādō, -ere, -vāsī, -vāsum; effugiō.

ēveniō, -īre, -vēnī, -ventum; accidō.

ēvolō, -āre; volō ex. Volō = per āere mē moveō; avis vel volucris volat.

excipiō, -ere, -cēpī, -ceptum; capiō; alicuī reī obstō quōminus cadat.

excitō, -āre; efficiō ut aliquis expergīscātur.

exclāmō, -āre; subitō clāmō, loquor māgnā vōce.

excruciō, -āre; vexō, ita perturbō ut paene interficiam aliquem.

exemplum, -ī (n.); id quod imitārī dēbēmus.

exercitus, -ūs (m.); multī ūnō sub duce mīlitēs.

exhauriō, -īre, -hausī, -haustum; exhauriō aquam cum omnem bibō.

expergīscor, -ī, experrēctus sum; ex somnō excitor; ē lectulō surgō.

expōnō, -ere, -posuī, -positum; clārum vel plānum faciō, explicō.

exsanguis, -e; sine sanguine.

exspectō, -āre; exspectō dōnec aliquis redeat; maneō.

exstinguō, -ere, -stīnxī, -stīnctum; exstinguimus īgnem aquā.

extrahō, -ere, -trāxī, -tractum; ex aliquā rē trahō.

facētiae, -ārum (f.); verba, quae rīsum nōbīs movent.

faenum, -ī (n.); cibus equī; grāmen sōle tostum.

fāma, -ae (f.); id quod dē aliquō dīcitur; quod dē mē ipsō audiō.

fatīgātus, -a, -um; fessus.

febris, -is (f.); morbus quī corpus nunc calidum nunc frīgidum reddit.

fēlēs, -is (f.); animal domesticum quod canis ōdit.

fēmina, -ae (f.); pater est vir, māter fēmina.

fenestra, -ae (f.); in mūrīs sunt fenestrae per quās lūx intrat.

ferāx, -ācis; fertilis; ferāx est arbor quae multās prōcreat frūgēs.

fēriae, -ārum (f.); diēs fēstī quibus lūdum nōn frequentāmus.

feriō, -īre; pulsō, percutiō.

ferula, -ae (f.); īnstrūmentum quō magister puerōs pūnit.

ferveō, -ēre, ferbuī; calidus sum.

fēstīnō, -āre; celeriter rem agō.

fingō, -ere, fīnxī, fīctum; faciō.

flāgitō, -āre; vehementer poscō.

flō, -āre; ventus flat.

flūctus, -ūs (m.); unda.

focus, -ī (m.); locus ubi solet fierī īgnis.

follis, -is (m.); pila ventō īnflāta vel plēna.

forēs, -um (f.); iānua quae duās habet partēs; aliter _valvae_.

forte; cāsū; ut accidit.

fortis, -e; validus. Herculēs erat fortis, īmmō vērō fortissimus.

forum, -ī (n.); locus apertus in mediā urbe situs circum quem stant tabernae.

fragmentum, -ī (n.); pars parva.

frāterculus, -ī (m.); frāter parvus.

frequēns, -tis; frequentēs sunt multī.

frequentō, -āre; identidem eō atque redeō.

frōns, -dis (f.). [Image: a leafy branch, foliage]

frūstrā cōnōr facere quod facere nōn possum.

fugāx, -ācis; is est fugāx quī celeriter fugit.

fugō, -āre; aliquem in fugam vertō.

fulcrum, -ī (n.); pars superior et quasi caput lectī.

funda, -ae (f.) [Image: a sling]

funditor, -ōris(m.); quī fundā ūtitur.

fūnis, -is (m.). [Image: a rope]

fūr, fūris (m.); is quī quod nōn est suum capit.

furcifer, -erī (m.); homō scelerātus.

furō, -ere, -uī; saeviō, rabidus sum.

fūrtum, -ī (n.); scelus quod fūr admīttit.

galea, -ae (f.). Vidē pāginam septimam decimam.

gallus, -ī (m.). [Image: a cock]

genae, -ārum (f.); partēs ōris inter quās est nāsus.

gestō, -āre; portō.

gladius, -ī (m.). Vidē pāginam septimam decimam.

glāns, glandis (f.); lapis quem ē fundā mīttimus.

Graecus, -a, -um; quī Graeciam habitat.

grammaticē; quōmodo magister grammaticus rem expōnere solet.

grammaticus liber omnia dē verbīs docet.

grassor, -ārī; saeviō, saevus sum.

grātia, -ae (f.); amīcitia, favor; _in grātiam cum aliquō redeō_ =

iterum amīcus eī fīō. Amīcitia inter amīcōs est.

grātus, -a, -um; nōn molestus.

grex, gregis (m.); turba vel animālium vel hominum.

gustō, -āre; edō.

gustus, -ūs (m.); prīma pars cēnae.

habitus, -ūs (m.); speciēs vestium quās gerimus.

hostis, -is (m.); quī contrā patriam nostram pūgnat.

hūc; ad hunc locum.

hūiusmodi; scīlicet _hūius modī_, tālis.

ictus, -ūs (m.); id quod tibi dō sī tē pulsō.

_Feriō_, _pulsō_ sunt _verba_, _ictus_ est _nōmen_.

identidem; saepe, iterum atque iterum.

Īdūs, -uum (f.); diēs mēnsis aut tertius decimus aut quīntus decimus.

iēiūnus, -a, -um; iēiūnus est is quī edere volt.

īgnōrō, -āre; nōn sciō.

imāgō, -inis (f.). Vidē pāginam vīcēsimam secundam.

imitōr, -ārī; aliquid alicuī simile facere cōnor.

immīttō, -ere, -mīsī, -mīssum; impōnō; iaciō in.

impedīmenta, -ōrum (n.); omnia quae nōbīscum portāmus dum iter facimus.

impediō, -īre; obstō.

impetus, -ūs (m.); vīs alicūius currentis.

impluvium, -ī (n.); locus in mediō ātriō situs in quem aqua dē caelō cadit;

quasi stāgnum parvum. Vidē pāginam quārtam.

improbus, -a, -um; malus, scelestus.

imprōvīsus, -a, -um; nōn prōvīsus; _ex imprōvīsō_= subitō.

īmus, -a, -um; contrārium quam summus.

incidō, -ere, -cidī, -cāsum; cadō in.

incultus, -a, -um; nōn cultus; paene idem quod rudis.

incumbō, -ere, -cubuī, -cubitum (dat.); operam dō.

indō, -ere, -didī, -ditum; dō, addō.

īnfāmis, -e; quī malam famam habet.

īnfāns, -antis (m. f.); puer parvus vel puella parva. Īnfāns loquī nōn potest.

īnfēstus, -a, -um; nōn tūtus; īnfēstus est locus ubi grassantur latrōnēs.

infīnītus, -a, -um; sine fīne, aeternus, diūturnus.

īnfīrmus, -a, -um; nōn validus.

ingredior, -ī, -grēssus sum; intrō.

inhaereo, -ēre, -haesī, -haesum; haereō in aliquā rē.

initium, -ī (n.); contrārium quam fīnis.

inquit; dīcit vel dīxit.

insalūbris, -e; nōn salūbris, nōn sānus.

īnserō, -ere, -seruī, -sertum; impōnō, immīttō.

īnspiciō, -ere, -spexī, -spectum; spectō.

intempestā nocte; mediā nocte.

interficiō, -ere, -fēcī, -fectum; caedō.

intrō, -āre; eō in.

intrōdūcō, -ere, -dūxī, -ductum; dūcō in.

inūsitātus, -a, -um; novus, mīrus.

inveniō, -īre, -vēnī, -ventum; reperiō; quasi _in rem veniō_.

īrācundus, -a, -um; īrā plēnus.

īrāscor, -ī, īrātus sum; īrātus sum.

itaque; hanc ob rem, igitur.

iūcundus, -a, -um; is quī iūcundus est placet mihi.

iugulum, -ī (n.); pars corporis inter caput et umerōs.

iūrō, -āre; affirmō. Nōs Anglī dum iūrāmus librum sacrum manū tenēmus.

iūs, iūris (n.); potestās quam oportet nōs habēre.

iūssum, -ī (n.); quod iubeō.

iuventūs, -tūtis (f.); aetās iuvenum.

Kalendae, -ārum (f.); prīmus diēs mēnsis.

labor, -ōris (m.); negōtium quod fessōs reddit hominēs.

labōrō, -āre; doleō, dolōrem sentiō.

_Ē ventre labōrō_, dolōrem in ventre sentiō.

labrum, -ī (n.); pars ōris quae dentēs tegit.

lac, lactis (n.); vacca lac nōbīs dat.

laedō, -ere, -sī, -sum; noceō, efficiō ut aliquis doleat.

lanius, -ī (m.); quī animālia trucīdat, vel interficit, vel caedit,

quōrum carnem vēndit.

lassus, -a, -um; fessus.

latrō, -ōnis (m.); fūr.

lavō, -āre, lāvī, lavātum (lautum _vel_ lōtum); aquā purgō.

lectīca, -ae (f.). Vidē pāginam vīcēsimam octāvam.

lectīcārius, -ī (m.); quī aliquem lectīcā gestat.

lectulus,-ī (m.); lectus parvus.

lectus, -ī (m.). [Image: a bed]

legūmen, -inis (n.); herba quam edimus.

lētum, -ī (n.); nex, mors.

levō, -āre; levius aliquid faciō.

Līber, -erī (m.); Bacchus, deus vīnī.

lītterārius, -a, -um; adiectīvum dē nōmine _līttera_ ductum.

_Lūdus lītterārius_ est locus in quō lītterās discimus.

loculī, -ōrum (m.); rēs in quā pecūniam aliāsque rēs habēmus.

Puerī librōs in loculīs ad lūdum portant.

lōrīca, -ae (f.). Vidē pāginam septimam decimam.

lūsus, -ūs (m.); lūsum lūdimus. Verbum est _lūdō_, nōmen _lūsus_.

lūx, lūcis (f.); lūmen; id quod sōl dat; diē est lūx, nocte nōn est.

macellum, -ī (n.); locus ubi multae sunt tabernae ē quibus carnem, legūmina,

aliāsque rēs emimus.

magistrātus, -ūs (m.); quī negōtia pūblica cūrat.

maledīcō, -ere, -dīxī, dictum (dat.); mala verba dīcō.

mālum, -ī (n.). [Image: an apple]

marītus, -ī (m.); cuī est uxor. Pater tuus est marītus tuae mātris.

memoria, -ae (f.); pars mentis quā meminimus.

mēns, mentis (f.); animus.

mereor, -ērī, meritus sum; dīgnus sum aliquā rē.

merīdiē; mediō diē.

metuō, -ere, -uī, -ūtum; timeō.

migrō, -āre; in alium locum abeō.

mīles, -itis (m.); homō quī pūgnat et patriam dēfendit.

Vidē pāginam septimam decimam.

mīrābilis, -e; mīrus; id quod admīror est mīrābile.

mīror, -ārī; intellegere nōn possum.

molestus, -a, -um; pessimus; homō molestus mihi displicet; incommodō mihi est.

mordeō, -ēre, momordī, morsum; dentibus mordēmus aliquid.

moror, -ārī; moram faciō; nōn fēstīnō.

mox; post breve tempus; brevī.

muliebris, -e; fēmineus; ad mulierēs vel fēminās attinēns.

multitūdō, -inis (f.); māgna hominum turba.

mūs, mūris (m.); animal parvum quod fēlēs grātō animō interficiunt eduntque.

Mūsae, -ārum (f.); deae carminum.

mūtuus, -a, -um; propriē id quod ad multōs attinet est mūtuum.

_Mūtuum aliquid dō_ est _aliquid dō quod oportet tē posteā mihi reddere_.

nārrātiō, -ōnis (f.); id quod nārrō.

nātālis, -e; _nātālis diēs_ est diēs quō nātus est aliquis.

natō, -āre; in aquā quasi currō et manibus et pedibus ūsus.

necesse est; oportet.

nefārius, -a, -um; scelestus.

nēquam; nefārius.

nescioquis; aliquis.

nihil; nulla rēs.

nitor, -ōris (m.); splendor; fulgor; sōl clārō nitōre rīdet.

nocēns, -entis; nōn innocēns; is quī rē vērā scelus admīsit nocēns est.

nōlō, nōlle, nōluī; nōn volō.

nōnnumquam; nōn numquam; interdum.

nūdius tertius; abhinc tribus diēbus.

nūgae, -ārum (f.); nullīus mōmentī rēs; rēs inānēs.

nūtrīcius, -ī (m.); tūtor vel cūstōs aliōrum.

obdormiō, -īre, -īvī, -ītum; dormīre incipiō.

oblīvīscor, -ī, oblītus sum (gen.); nōn meminī; memoriā nōn teneō.

oboediō, -īre (dat.); pāreō.

obstō, -āre, -stitī, -stātum (dat.); impediō; nōn sinō.

obtineō, -ēre, -tinuī, -tentum; habeō; teneō.

obvius fīō alicuī; accurrō; alicuī occurrō; dum per viam eō aliquem inveniō.

occāsiō, -ōnis (f.); opportūnitās; facultās; potestās;

occāsiōnem alicūius reī faciendae habeō sī eam facere possum.

occupō, -āre; rapiō; capiō.

Octōber, -ris; mēnsis octāvī.

ōdī, ōdisse; contrārium quam _amō_.

offendō, -ere, -dī, -sum; ita currō ut aliquem corpore meō feriam.

omīttō, -ere, -mīsī, -mīssum; praetereō, trānseō, neglegō.

_Lūdum omīttō_ est _lūdum nōn frequentō_.

omnis, -e; cūnctus; ūnusquisque.

onus, -eris (n.); pondus; rēs gravis.

operam dō; rem dīligenter agō.

opprimō, -ere, -pressī, -pressum; vī superō; ad terram dēiciō.

ōrātiō, -ōnis (f.); dum loquor ōrātiōnem faciō vel habeō.

ōrnātus, -ūs (m.); habitus.

ōtiōsus, -a, -um; quī ōtium agit; nūllīs negōtiīs occupātus.

ōtium, -ī (n.); contrārium quam negōtium.

ovis, -is (f.). [Image: a sheep]

ōvum, -ī (n.); ex quō pullus nāscitur.

paedagōgus, -ī (m.); servus quī cūstōs est puerōrum, quōs ad lūdum dūcit.

palleō, -ēre, -uī; pallidus sum; nūllum colōrem ōs habet.

palmes, -itis (m.); frōns vītis.

pār, paris; similis, īdem.

parcō, -ere, pepercī, parsum; veniam dō.

parēns, -entis (m.f.); māter et pater sunt parentēs.

pariō, -ere, peperī, partum; faciō, gīgnō; avis ōva parit.

parum; nōn satis.

pāstor, -ōris (m.); quī ovēs cūstōdit.

patior, -ī, passus sum; sinō, sentiō.

patria, -ae (f.); terra ubi nātus est aliquis.

patrōnus, -ī (m.); amīcus et quasi cūstōs quī aliōs cūrat quibus auxilium dat;

causidicus quī aliquem in iūdiciō dēfendit.

pauca, nōn multa.

paulisper; breve tempus; nōn longum tempus.

paulō; nōn multō.

pecten, -inis (m.); id quō comās pectimus. [Image: a comb]

pectō, -ere, pexī, pexum; aptum ōrdinem comīs praestō.

pēnsum, -ī (n.); opus domī factum.

percipiō, -ere, -cēpī, -ceptum; spectō, videō, intellegō.

percutiō, -ere, -cussī, -cussum; pulsō.

perficiō, -ere, -fēcī, -fectum; contrārium quam _incipiō_.

pergō, -ere, perrēxī, perrēctum; prōcēdō.

perlegō, -ere, -lēgī, -lēctum; ūsque ad fīnem legō.

persequor, -ī, -secūtus sum; sequor ūsque ad fīnem.

Sequor = currō post aliquem.

perturbō, -āre; agitō; timor vel terror mentem perturbat.

perveniō, -īre, -vēnī, -ventum; veniō ūsque ad fīnem.

pēstilentia, -ae (f.); tempestās īnsalūbris.

pēstis, -is (f.); quicquid malī quod nōs vexat.

petasus, -ī (m.); id quod in capite gerō.

petītor, -ōris (m.); is quī aliquid ab homine accūsātō recipere cōnātur.

pila, -ae (f.) [Image: a ball]

pīlum, -ī (n.). Vidē pāginam septimam decimam.

pingō, -ere, pīnxī, pīctum; alium colōrem alicuī reī dō.

pirum, -ī (n.). [Image: a pear]

piscīna, -ae (f.); balneum. Vidē pāginam quārtam decimam.

pluit cum aqua dē caelō dēcidit.

pluvia, -ae (f.); aqua quae dē caelō dēscendit; imber.

pōculum, -ī (n.); vās ē quō bibimus.

poenās dō; pūnior. Contrārium est _poenās sūmō_.

Pompēius, -ī (m.); vir clārrissimus quī contrā Iūlium Caesarem pūgnāvit.

porculus, -ī (m.); porcus parvus.

porcus, -ī (m.). [Image: a tame swine, a pig]

porticus, -ūs (f.); locus columnīs circumdatus.

portō, -āre; ferō, gerō.

posterus, -a, -um; quī posteā venit; _posterō diē_, diē secundō.

potestās, -tātis (f.); _verbum_ est _possum_; _nōmen_ est _potestās_.

prae mē ferō; praestō.

praecipitō, -āre; in caput aliquem iaciō.

praeclārus, -a, -um; nōbilis, clārus, illūstris.

praedīcō, -ere, -dīxī, dictum; quāle futūrum sit aliquid dīcō.

praelēctiō, -ōnis (f.); praelēctiō est dum magister in lūdō docet.

praemium, -ī (n.); dōnum quod ob virtūtem accipiō.

praeruptus, -a, -um; abscīsus, abruptus.

praestō, -āre, -stitī, -stātum (-stitum); praebeō;

_sē praestāre_ est _sē mōnstrāre_, vel _esse_.

praestō (adv.); ad manum; _praestō esse_ sīgnificat _adesse_, _praesentem esse_,

_parātum esse_. _Praestō sum_ = _adsum_.

praetor, -ōris (m.); magistrātus Rōmānus quī iūs dat. Seriēs magistrātuum

est aedīlis, quaestor, praetor, cōnsul, prō cōnsule, cēnsor.

prandium, -ī (n.); quod merīdiē edimus.

prātum, -ī (n.); ager viridis ubi nihil nisi herba crēscit.

precor, -ārī; ōrō.

prīdiē; diē priōre.

prīmipīlāris, -e; mīles quī inter prīmōs mīlitum ōrdinēs stat est prīmipīlāris.

prīvō, -āre; _aliquem aliquā rē prīvō_ = _aliquam rem ab aliquō capiō_.

prōcēdō, -ere, -cēssī, -cēssum; eō.

prōcreō, -āre; pariō, gignō.

profectiō, -ōnis (f.); _profectiōnem fāciō_ = _proficīscor_.

prōgredior, -ī, -grēssus sum; proficīscor; prōcēdō.

prōnus, -a, -um; quasi in caput cadēns.

properō, -āre; fēstīnō; contrārium quam moror.

prōsperē; bene, fēlīciter.

prōtegō, -ere, -tēxī, -tēctum; tegō; dēfendō.

prōverbium, -ī (n.); verba sapientiae. _Sapiēns_ est contrārium quam _stultus_.

prōvideō, -ēre, -vīdī, -vīsum; caveō; cūram adhibeō nē quid accidat.

prūdēns, -entis; quī prōvidet.

puerulus, -ī (m.); puer parvus.

pullus, -ī (m.). [Image: a chicken]

pūniō, -īre; sī quandō pēnsum male faciō magister mē pūnīt; poenās ā mē sūmit.

Ego—ō mē miserum!—poenās dō.

purgō, -āre; pūrum faciō. Cum tabula nigra lītterārum est plēna magister puerō

cuīdam imperat ut eam purget.

pūrus, -a, -um; _argentum pūrum_ est contrārium quam _caelātum_.

quaerō, -ere, quaesīvī, quaesītum; invenīre cōnor; petō.

quāpropter; quam ob causam; quārē.

rabidus, -a, -um; furiōsus, īnsānus.

raeda, -ae (f.). Vidē pāginam trīcēsimam tertiam.

raedārius, -ī (m.); is quī raedam regit.

recēdō, -ere, -cēssī, -cēssum; ab aliquō locō cēdō; mē recipiō.

recipiō, -ere, -cēpī, -ceptum; iterum capiō. _Mē recipiō_ = _abeō_.

recreō, -āre; _mē recreō_ = _vīrēs recipiō_; _iterum validus fīō_.

rēctus, -a, -um; iūstus; paene idem quod _solitus_.

Id rēctum est quod fierī solet.

recūsō, -āre; nōlō, nōn volō.

reddō, -ere, -didī, -ditum; faciō.

refīgō, -ere, -fīxī, -fīxum; contrārium quam affīgō; solvō.

regiō, -ōnis (f.); pars terrae vel cīvitātis;

multae regiōnēs in ūnā cīvitāte sunt.

rēgnum, -ī (n.); rēx rēgnum obtinet.

regredior, -ī, -grēssus sum; redeō.

reliquus, -a, -um; relictus; sī ē tribus librīs ūnum capiō, duo sunt reliquī.

remīttō, -ere, -mīsī, -mīssum; levō; vīm dēminuō vel minōrem faciō.

reprehendō, -ere, -dī, -sum; contrārium quam _laudō_.

Sī male scrībō lūdī magister mē reprehendit.

requiēscō, -ere, -quiēvī, -quiētum; quiētem agō; dormiō.

resideō, -ēre, -sēdī; sedeō.

reus, -ī (m.); homō accūsātus.

revertor, -ī, -versus sum; mē recipiō.

revocō, -āre; retrō vocō.

rīdeō, -ēre, rīsī, rīsum; _rīdet_ sīgnificat _pulchrum vidētur esse_.

rōbur, -oris (n.); vīs valida.

rōdō, -ere, -sī, -sum; paene idem quod _mordeō_; dentibus aliquid frangō.

Mūrēs rōdunt chartam.

rogātor, -ōris (m.); is quī interrogātiōnēs rogat.

rota, -ae (f.). Vidē pāginam trīcēsimam tertiam.

rubeō, -ēre; ruber fīō; genae mihi rubent.

rudis, -e; contrārium quam _doctus_.

rūrsus; iterum.

rūsticus, -a, -um; ad rūs attinēns; quī rūrī habitat.

saccus, -ī (m.). [Image: a sack]

sacra, -ōrum (n.); rēs sacrae, caerimōniae.

saepenumerō; saepe.

sagittārius, -ī (m.); quī sagittīs pūgnat. Sagittās ex arcū ēmīttit.

saliō, -īre, -uī, saltum; brāchia, pedēs, corpus hūc,

illūc iactandō ad sonum tībiae moveor. Puer salit. [Image: a jumping boy]

saltem; certē.

saltō, -āre; saliō.

sanguis, -inis (m.); ruber quīdam liquor quī corporī inest.

sapiēns, -entis; doctus.

saxum, -ī (n.); lapis māgnus; rūpēs.

scelerātus, -a, -um; scelestus, pessimus, quī scelus admīttit.

scelus, -eris (n.); nefās; id quod nōn oportet nōs facere.

Scelus est fūrārī, aliquem interficere.

scēptrum, -ī (n.); rēgis baculum.

scīlicet; scīre licet, nīmīrum, sine dubiō, ut omnēs intellegere possunt.

scopulus, -ī (m.); saxum.

scrīptor, -ōris (m.); is quī scrībit aliquid.

scūtum, -ī (n.). Vidē pāginam septimam decimam.

sēcūrus, -a, -um; sine timōre.

seges, -etis (f.); ager herbīs plēnus.

sententia, -ae (f.); verbōrum numerus quī sēnsum habet:

_ex animī meī sententiā_ = _ut rē vērā putō_.

sentiō, -īre, sēnsī, sēnsum; animō percipiō; intellegō, patior.

seriēs, -eī (f.); numerī seriem faciunt, i, ii, iii, iiii, v.

serō, -ere, sēvī, satum; in terram īnserō. Segetēs serimus.

servō, -āre; tūtum vel salvum faciō; cūstōdiō; dēfendō.

sevēritās, -tātis (f.); vīs gravis.

sextīlis, -e; sextī mēnsis. Mēnsis est duodecima pars annī.

sīcārius, -ī (m.); is quī aliquem interficit.

similiter; similī modō.

simplex, -icis; simplex homō est bonus probusque quī nēminem dēcipit.

simulō, -āre; simulō mē esse quod rē vērā nōn sum.

Sī lātrō simulō mē esse canem; sī mūgiō bovem mē esse simulō.

sinus, -ūs (m.); quasi duplex pars vestis, in quā aliquid ferre possumus.

situs, -a, -um; positus.

sodālis, -is (m.f.); comes.

sōdēs; sī audēs; sī vīs; sī placet tibi.

solvō, -ere, solvī, solūtum; līberō; _pecūniam solvō_ = _pecūnīam dō_.

somnus, -ī (m.); _somnum capiō_ = _dormiō_.

sonō, -āre, sonuī, sonitum; sonum faciō; dīcō.

spargō, -ere, sparsī, sparsum; hūc illūc iactō vel iaciō.

spectācula, -ōrum (n.); lūdus quem in circō spectāmus.

stāgnum, -ī (n.); quasi lacus parvus.

_Lacus_ est quasi parvum mare in mediā terrā situm.

statim; sine morā.

stilus, -ī (m.); īnstrūmentum quō scrībimus.

stīpendium, -ī (n.); pecūnia quam mīlitēs accipiunt.

_Stīpendia mereor_ = _in exercitū sum_.

studeō, -ēre, -uī; operam librīs dō.

suādeō, -ēre, suāsī, suāsum; ōrō, persuādeō.

suāvis, -e; dulcis, iūcundus.

suāvitās, -tātis (f.); _suāvis_ est adiectīvum; _suāvitās_ est nōmen.

subiectum, -ī (n.); id dē quō loquimur.

subitō; repente, ex imprōvīsō.

subsellium, -ī (n.); sella humilior.

sūdō, -āre; cum sūdāmus liquor, sūdor nōminātus, per tōtum corpus fluit.

suffrāgium, -iī (n.); aut tabella aut vōx eōrum quī cōnsulēs aliōsque

magistrātūs creant. Hodiē apud nōs fēminae iūs suffrāgiī flāgitant.

sūmō, -ere, sūmpsī, sumptum; capiō.

superō, -āre; vincō.

suppetō, -ere, -īvī (iī), -ītum; satis esse.

suscitō, -āre; nōn sinō dormīre.

suspendō, -ere, -dī, -sum; pendō; tabulās pīctās dē mūrīs suspendimus.

suspicor, -ārī; nōn prō certō habeō sed putō.

tabella, -ae (f.); tabula parva.

taberna, -ae (f.); locus ubi rēs vēnduntur.

tablīnum, -ī (n.); prīvātum patris conclāve.

tālī, -ōrum (m.); fragmenta ossis, quibus Rōmānī tesserīs ūtēbantur.

[Image: a die (orig. made from the knuckle-bones of certain animals)

of an oblong shape]

tālis, -e; hūius modī.

taurus, -ī (m.); bōs masculīnus.

tempestās, -tātis (f.); aut salūbritās aut pēstilentia locī.

tempore; bonō tempore; nōn sērō.

tempus terō, -ere, trīvī, trītum; _tempus terō_ est tempus perdō;

tempore nōn bene ūtor.

tergum, -ī (n.); posterior pars corporis.

_Ā tergō_ contrārium est quam _ā fronte_.

tesserae, -ārum (f.) [Image: cubes (to play dice)]

tēstāmentum, -ī (n.); id quod homō moritūrus scrībit.

tēstificor, -ārī; vērum esse dīcō; tēstis tēstificātur vel tēstimōnium dat.

tēstimōnium, -ī (n.); id quod tēstis dīcit.

tēstis, -is (m.); is quī dicit sē aliquid vīdisse.

thermae, -ārum (f.); balneae ubi calida est aqua.

Balneae sunt quasi stāgna in quibus natāre licet. Vidē pāginam quārtam decimam.

tībia, -ae (f.); īnstrūmentum mūsicae quō ūtimur īnflandō.

timidus, -a, -um; quī timēre solet.

tīrō, -ōnis; contrārium quam veterānus; novus quīdam.

toga, -ae (f.); vestis Rōmāna. Vidē pāginam trīcēsimam nōnam.

Magister lūdī togam gerit. _Toga praetexta_ est magistrātūs toga.

trādō, -ere, trādidī, trāditum; alicuī aliquid ut servet dō; mandō; commendō.

trānseō, -īre, -īvī, -itum; eō trāns.

trānsgredior, -ī, -grēssus sum; trānseō.

tremō, -ere, -uī; ob timōrem quatior.

trepidus, -a, -um; timidus.

tribūnal, -ālis (n.); locus ubi praetor iūs dat.

tribūnus, -ī (m.); centuriōnēs, tribūnī, legātī,

imperātor exercitum regunt dūcuntque.

triclīnium, -i (n.); lectus in quō recumbimus dum cēnāmus.

trucīdō, -āre; caedō; interficiō.

tumidus, -a, -um; id quod tumet est tumidum.

tumor, -ōris (m.); sī caput tuum vehementer percutiō

tumor rotundus in capite fit. Verbum est _tumeō_.

tunica, -ae (f.); vestis quae sub aliīs vestibus est.

ultimus, -a, -um; postrēmus.

unde; ex quō.

ungula, -ae (f.); pēs equī.

urbānus, -a, -um; ad urbem attinēns.

ūrō, -ere, ussī, ūstum; īgnis quicquid tangit ūrit.

utinam; exclāmātiō volentis vel cupientis.

ūvae, -ārum (f.). [Image: vine grapes]

vacca, -ae (f.); bōs fēminīnus.

vacō, -āre; ōtium agō; _ōtium_ est contrārium quam _negōtium_.

vāgiō, -īre; fleō ut īnfāns.

vagor, -ārī; hūc illūc ambulō.

valeō, -ēre; validus et fortis sum; nōn aegrōtō.

valvae, -ārum (f.); forēs; iānua quae duās habet partēs.

vās, vāsis (n.). [Image: a vase]

vehementer; māgnā vī.

vēnditor, -ōris (m.); is quī vēndit. _Vēndō_ est contrārium quam _emō_.

venia, -ae (f.); potestās; _veniam dō_ = _sinō_.

venter, -ris (m.); pars corporis quō cibus it; stomachus.

ventus, -ī (m.); quasi āēr qui movētur.

verberō, -āre; ferulā percutiō.

vereor, -ērī; timeō.

versiculus, -ī (m.); versus parvus.

versus, -ūs (m.); carminis pars.

vescor, -ī; edō; dēvorō.

vestis, -is (f.); id quō corpus tegitur vel amicītur.

vexō, -āre; perturbō; agitō; pēstis sum alicuī.

viātor, -ōris (m.); quī iter facit.

vīcīnus, -ī (m.); quī prope habitat.

vigilia, -ae (f.); pars noctis; quattuor noctis sunt vigiliae quārum

quaeque ternās continet hōrās.

vigilō, -āre; nōn dormiō.

vigor, -ōris (m.); vīrēs.

vilicus, -ī (m.); vīllae cūstōs.

vīlla, -ae (f.); domus rūstica.

vinciō, -īre, vīnxī, vīnctum; vinculīs cingō.

vinculum, -ī (n.); id quod manibus et pedibus eōrum

quī in carcere sunt impōnimus.

vindicō, -āre; _mihi vindicō_ est _dīcō oportēre mē habēre_.

vīnum, -ī (n.); id quod ex ūvīs facimus.

vīsō, -ere, -sī, -sum; apud aliquem eō ut eum videam.

vītis, -is (f.); arbor quae ūvās prōcreat.

vītō, -āre; cōnor aliquem fugere.

volnerō, -āre; volnus dō.

Libellus loquitur.

Cur mordacibus hunc novum libellum,

lector, dic mihi dentibus lacessas.

quid culpae merui? Vocasne crimen

nostris me pueris opem tulisse

ut discant bene litteras Latinas?

ne mentem reprehende laude dignam.

mendas tollere si tamen iubebis,

monstranti tibi gratias agemus.