I like to spring in the morning bricht,
Before the mill bell rings;
When waukening blithe in gowden licht,
My joyfu' spirit sings.
I like to hear, when the pearly tear
Gems morning's floweret cup,
The trumpet summons of chanticleer
Pipe "drowsy mortals up."
I tread as lightly as silent puss,
While a' the household sleep;
And gird me to clean and redd the house
Before the bairnies cheep.
I like to dress and mak me clean
As ony winsome bride;
And think na shame, though my face be seen,
At morn or eventide.
I like to handle, before I rin,
The word o' truth and love;
And seek, or the daily wark begin,
Gude counsel from above.
Then skipping wi' lichtsome heart, I hie
To earn my bit o' bread;
The wark spins on, and the time rins by,
Wi' pleasant, blessed speed.