Oh, dinna ask me gin I lo'e thee;
Troth, I daurna tell:
Dinna ask me gin I lo'e ye;
Ask it o' yoursel'.
Oh, dinna look sae sair at me,
For weel ye ken me true;
Oh, gin ye look sae sair at me,
I daurna look at you.
When ye gang to yon braw, braw town,
And bonnie lassies see,
Oh, dinna, Jamie, look at them,
Lest you should mind na me.
For I could never bide the lass
That ye'd lo'e mair than me;
And oh, I'm sure, my heart would break,
Gin ye'd prove false to me.