Mh’ atuirse ’s mh’fhada-chreach shíor-thínn!
Lucht teangan na Banba sgrí’ síos
Gan filleadh, gan feacadh,
Gan chaime, gan chasadh
Ach gach litir dá labhairt go símplidhe!
Ca bhfuil an seanchas bhí síos?
Is ca bhfuil na leabhair ba bhínn línn?
Dá mbriseadh ’s dá stracadh
’Ge foirinn gan faisean,
Gan time, gan taise, gan chaoin-chroidhe.
Gach litir bhreagh bhalbh do bhí i mbrígh
Ag druithibh i dTeamhair le línn Chuínn
Dá ruagadh ’s dá ngearradh
’Na sluaighte as gach leabhar!
Ní chuala-sa creacha ba nimhnighe.
------------------------------------------------------------------------