Pe spassareve ccà no pocorillo
O peccerille su priesto venite
Mo, che scorrenno lejere potite
Pocca corriette l’ha compà Masillo.
E buje giuvene mieie pe no tantillo
O che state coleriche, o redite,
Spassareve a sti Cunte potarrite,
Azzò sacciate cchiù de Masto Grillo.
Retrovarrite spasse co gran frutto,
Non essenno ste cose de verrille,
Ed averrite guste da pe ttutto.
Leite Viecchie, ca pe buie ste chille
Lizete songo cchiù; pocca a no mutto
Io ve trovo perzì pe Ppeccerille.