Hic parte sua mortali quiescit, qui in coelo potiori parte vivit
immortalis THOMAS ARUNDEL, Baro Arundel de Warder, sacri Romani
imperii Comes, primogenitus nempe Thomae Arundel, Baronis etiam de
Warder, qui, ob insignia et pietatis et fortitudinis exempla in
communem Christiani nominis hostem in Hungaria ad Strigonium
praestita haereditarium hunc honoris titulum a Rodolpho secundo
meruit ipse, et ad posteros transmissit; cujus dignitatum
virtutumque hic haeres, dum vixit, sic Deo in constanti pietatis
exercito militavit in terris, ut debitum sibi in coelis triumphum
expectare videretur, ita se totum in Regis Caroli primi
obsequium, imminente in Anglia bello civili, impendit, ut in
illud opes fortunamque profuderit, ac vitam denique ipsam
lubentissime contulisset, e qua excessit Oxonii die 19^o Maij,
ann. aetatis 59, annoque reparatae salutis 1643.