32Zìnt fòu a àn scuntràt un omp di Cirene ca si clamava
Simon, e a lu àn costrèt a partà la cròus. A sòn rivàs ta un
post clamàt Golgota (cal vòu di Post dal Cranio). Là a ghi
àn ufrìt da bevi a Gjeù vin misturàt cu la fiel; ma dopo
vèjlu sercjàt al à rifiutàt di bèvilu. 35Dopo vèjlu metùt ta la
cròus, a si sòn spartìs i so vistìs tirànt li bruscjètis. Dopo a si
sòn sintàs jù a fàjghi da vuardia. Imparzora dal so cjaf a àn
metùt il sen da la so condana: CHISTU AL È GJEÙ, RE
DAJ EBRÈOS. Doj làris a èrin stàs metùs in cròus cun luj,
un a la so destra e un a la so sinistra. Chej ca pasàvin par lì a
ghi sigàvin un insùlt dopo laltri, scjasànt il cjaf e diìnt: Tu
chi ti vàs a distrui il templi e rifalu in tre dìs, prova, mo, a
salvati! Vèn jù da la cròus, si ti sòs il Fì dal Omp!
41In ta la stesa maniera, i capoprèdis, i maèstris da la les, e i
ansiàns dal pòpul a lu àn cjòlt in ziru.
42Al à salvàt àltris, a dièvin, ma a nol è bon da salvasi
besòu! Al è il Re di Israel! Cal vegni adès jù da la cròus e i
ghi crodarìn! Al à cunfidàt in Diu. Che Diu a lu salvi adès sa
ghi vòu ben, parsè che luj al à dita: I soj il Fì di Diu. In ta
la stesa maniera i làris ca ghi èrin stàs metùs in cròus in
banda di luj a lu ufindèvin a plen.
45Da la sesta ora fin a la nona ora il scur cal era vegnùt al
veva cujerzùt duta la cjera. Atòr da la nona ora, Gjeù a si à
metùt a sigà Eloi, Eloi, lama sabachthani?ca vòu dii
Diu me, Diu me, parsè mi àtu bandonàt?
47Cuant che cualchidùn di chej ca èrin lì al à sintùt chistu, al
a dita: Al stà clamànt Lìja.
48Un di lòu al è zùt sùbit a cjoj una spugna. Al à imbevuda di
aèit e a ghi là ufrida a Gjeù ta la punta di un stec par cal
bevès. Chej àltris a àn dita: Adès lasàjlu besòu. Jodìn se
Lìja al vèn a salvalu.
50E cuant che Gjeù al à dàt naltra sigada, al à dàt sù il so
spìrit.
51Tal stes momènt il telòn dal templi a si à sbregàt dal bas al
alt. La cjera a à tremàt e li pièris a si sòn spacàdis. Li tòmbis
a si sòn vierzùdis e i cuarps di tanta zent santa ca era muarta
a sòn tornàs a vivi. A sòn vegnùs fòu da li so tòmbis, e dopo
la risuresiòn di Gjeù a sòn zùs in ta la sitàt santa indà ca
sòn stàs jodùs da tanta zent.
54Cuant che il senturiòn e chej àltris ca ghi fèvin di vuardia a
Gjeù a àn jodùt il teremòt e dut sè ca era susedùt, a si sòn
teroriàs, e a àn esclamàt: Ma alora al era pròpit il Fì di
Diu!
55Tanti fèminis a èrin ulì, ca vuardàvin da lì visìn. A vèvin
seguìt Gjeù da la Galilea par servilu. Fra di lòu a era Maria
Madalena, Maria la mari di Jacu e di Bepi, e la mari daj fìs
di Zebedeo.