31Cuant che il Fì dal Omp al vegnarà a la so gloria cun
ducju i so ànzuj a si sintarà tal trono dal la so gloria
celestiàl. Duti li nasiòns a zaràn a riunisi davànt di luj, e luj
al separarà i popuj lun dal altri coma che un pastòu al
separa li piòris da li ghètis. Al metarà li piòris a la so destra
e li ghètis a la so sinistra.
34Il Re alora a ghi diarà a chej a la so destra: Vegnèit,
vuàltris chi sèis i benedès di me Pari; cjapàit sù la vustra
ereditàt, il regnu preparàt par vuàltris fin da la creasiòn dal
mont. Che jò i vevi fan, e vuàltris i mi vèis dàt alc da
mangjà; i vevi sèit e i mi vèis dal alc da bevi; i eri un
forestèj, e i mi vèis risevùt coma un di vuàltris.
36I vevi biugna di vistìs, e vuàltris i mi vèis vistìt; i eri
malàt, e i mi vèis curàt. I eri in preòn, e i mi vèis viitàt.
37Alora i juscj a ghi rispundaràn: Signòu, cuant i ti vinu
jodùt plen di fan e i ti vinu dàt da mangjà, o plen di sèit e i ti
vinu dàt alc da bevi? Cuant i ti vinu jodùt coma un forestèj e
i ti vinu invidàt dentri, o sensa vistìs e i ti vìn vistìt? Cuant i
ti vinu jodùt malàt o in preòn e i sinu vegnùs a viitati?
40Il Re al rispundarà: I vi dìs la veretàt, che sè chi vèis fàt
par il pì pìsul di chìscjus fràdis mes, i lu vèis fàt par me.
41Dopo a ghi diarà a chej a la so sinistra: Zèit lontàns di
me, maladès, tal fòuc eterno preparàt pal diàu e paj so ànzuj.
Parsè chi vevi fan, e i no mi vèis dàt nuja da mangjà; i vevi
sèit, e i no mi vèis dàt nuja da bevi. I eri un forestèj, e i no
mi vèis invidàt dentri. I vevi biugna di vistìs, e i no mi vèis
vistìt; i eri malàt e in preòn, e i no mi vèis viitàt.
44Encja chìscjus a rispundaràn: Signòu, cuant i ti vinu
jodùt plen di fan o plen di sèit o forestèj o malàt o in preòn,
e i no ti vinu dàt alc da mangjà o da bevi o i no ti vinu
invidàt dentri o judàt?
45Luj al rispundarà: I vi dìs la veretàt, sè chi no vèis fàt par
il pì pìsul di chìscjus, i no lu vèis fàt par me.
46E alora chìscjus a zaràn tal turmìnt eterno, e i juscj ta la
vita eterna.