36Alora al à lasàt duta la zent e al è zùt dentri da la so cjaa. I
so disèpuj a sòn zùs a cjatalu e a ghi àn dita: Còntini sè ca
vòu dii la paràbula da li erbàtis dal cjamp.
37Luj al à rispundùt: Chèl cal à semenàt la siminsa buna al è
il Fì dal Omp. Il cjamp al è il mont, e li simìnsis bùnis a sòn
i fìs dal regnu. Li erbàtis a sòn i fìs dal mal, e chèl ca li
semena al è il diàu. La seadura a rapreenta la fin dal timp, e
chej ca cjòlin sù il racòlt a sòn i ànzuj.
40E coma che li erbàtis a sòn respàdis sù e bruàdis tal fòuc,
cussì a sarà a la fin dal timp. Il Fì dal Omp al mandarà fòu i
so ànzuj, e chej a gjavaràn fòu dal so regnu duti che erbàtis
ca cauin il pecjàt e dùcjus chej ca fàn dal mal. Lòu a ju
butaràn tal fòuc da la fornàs, indulà cal sarà il planzi e il
scrisulà daj dincj. Alora i juscj a luaràn coma il soreli tal
regnu dal Pari. Chèl cal à orèlis, cal scolti.