17 No stèit pensà chi sedi vegnùt par abulì la Les o i Profès;
i no soj vegnùt par abulìju ma par completàju. I vi dìs la
veretàt, che fin ca no sparìsin nè cjel ne cjera, nè la pì pìsula
lètera, nèl pì pìsul sèn di pena, nisùn aspièt da la Les al
sparirà sensa che dut a no sedi prima completàt. Ogni un cal
trasgredìs encja il pì pìsul di chìscjus comandamìns e a ghi
insegna a àltris di fa altritànt al vegnarà consideràt il pì pìsul
tal regnu dal cjel, ma chèl cal pratica e al insegna scju
comandamìns al vegnarà clamàt grant tal regnu dal cjel.
Parsè che jò i vi dìs che se la vustra gjustisia a no sorpasarà
chè daj Farièos e daj insegnàns da la les, i no zarèis di sigùr
dentri dal regnu dal cjel.