5 Cuant cal à jodùt duta che zent, al è zùt sù ta na montagna
e a sia sintàt jù. I disèpuj a ghi sòn zùs visìn, e luj al à tacàt
a fàjghi i so insegnamìns, diìnt:
3Beàs a sòn i puòrs in spìrit,
che sò al è il regnu dal cjel.
Beàs chej ca plànzin,
ca saràn confuartàs.
Beàs i puarès,
che lòu a ereditaràn la cjera.
Beàs chej ca sòn plens di fan e sèit pa la gjustisia,
che lòu a vegnaràn sodisfàs.
Beàs i miericordiòus,
ca cjataràn la miericordia.
Beàs i purs di còu,
che lòu a jodaràn Diu.
Beàs chej ca lavòrin pa la pas,
ca vegnaràn clamàs fìs di Diu.
Beàs i perseguitàs par caua da la ingjustisia,
che sò al sarà il regn dal cjel.
11E beàs i sèis vuàltris cuant chi vegnèis insultàs e
perseguitàs, e cuant ca vi diaràn ogni sorta di cativeria par
caua me. Stèit alègris e contèns, parsè che granda a sarà la
vustra ricompensa tal cjel, che in ta la stesa maniera aan
perseguitàt i profès ca sòn vegnùs prima di vuàltris.