12Cuant che Gjeù al à sintùt che Zuan al era stàt metùt in
preòn, al è tornàt ta la Galilea. Lasàt Nazaret al è zùt a vivi
a Capernau, cal era in banda dal lac visìn di Zebulun e
Naptali par ca vegnès fàt sè ca era stàt dita par bocja dal
profeta Zaìja:
15Cjera di Zebulun e cjera di Naptali,
la strada pal mar, ca seguìs il Gjordàn,
Galilea da li zens
la zent ca vìf tal scur
a à jodùt una granda lus;
su di chej ca vìvin tal post da lombrena da la muart
una lus a sia levàt.
17Da chel momènt lì, Gjeù a sia metùt a predicjà, Pentivi,
che il regnu dal cjel al è visìn.
18Cjaminànt in banda dal Mar di Galilea, Gjeù al à jodùt doj
fràdis, Simon clamàt Pieri e so fradi Drea. A stèvin tirànt na
reit tal lac, parsè ca èrin pescjadòus. Vegnèit davòu di me,
a ghia dita Gjeù, e i vi faraj pescjadòus di òmis. E lòu
aan lasàt li so rètis e a ghi sòn zùs davòu.
21Zìnt pìndavànt, al à jodùt altri doj fràdis, Jacu di Zebedeu
e so fradi Zuan. A èrin ta na barcja cun so pari Zebedeu, e a
stèvin preparànt li so rètis. Gjeù a ju à clamàs, e lòu a àn
sùbit lasàt la barcja e so pari e a lu àn seguìt.
23Gjeù al è zùt par duta la Galilea, insegnànt ta li so
sinagòghis, predicjànt li buni nòvis dal regnu, e vuarìnt ogni
infermitàt e malatìa dal pòpul. Nuvitàs di luj aan fàt il ziru
da la Siria, e la zent a ghi à partàt a luj ducju chej ca èrin
malàs cun ogni sorta di malatia, chej ca sufrìvin tancju
dolòus, i indemoniàs, i epilètics, e i paraliàs; e luj a ju à
curàs. E tanta, ma tanta zent da la Galilea, da Decapoli,
Gjerualem, Gjudea e da la zona dal Gjordàn a si è metuda a
seguilu.