Ille mi par esse deo videtur,
Ille, si fas est, superare divos,
Qui sedens adversus identidem te
Spectat et audit
Dulce ridentem, misero quod omnis 5
Eripit sensus mihi: nam simul te,
Lesbia, aspexi, nihil est super mi
* * * *
Lingua sed torpet, tenuis sub artus
Flamma demanat, sonitu suopte 10
Tintinant aures geminae, teguntur
Lumina nocte.
LIb.
Otium, Catulle, tibi molestumst:
Otio exultas nimiumque gestis. 15
Otium et reges prius et beatas
Perdidit urbes.