w'pon'm'n et'li-k'samketek skwutewamkok; wakes eli-nesemuk
w'mus-kamkwetiton; wuli-wikhasik naka wulik'n m'tekwap. Aptc
hasehita-soltowulk; ni-te m'siu w'tcitkwaninya na nek'mau; musketutit
m'si-te wikwitatekul naka nkikwakw-te; m'si-te wekitonyakul. Naptc
w'matcahan.
Malem-te petciye k'tci sipok; kata w'k'tcitci‛towun tan-etc
w't'li-kisi-kwuskasin. Yut el-apit sipwakok, w'nimian pemakwesit k'tci
wiwilmekw tahalo-li-ko wesumwit k'tci aktalakw; nekapo. Espuns w'tiyan:
"musumi, kwusukholin ekamak'm;" "k't'lal, n'konis; te‛pes n'pakamuk."
Ni-te na w'madcem'n. Ka‛kakosuk naka yokt k'tci kakakwut
w'madci-w'malikinanya: "ke‛kw nikt it'muk sipsuk-li," kwetcikeso;
it'muk: "wiwisayi wiwisaphan nit espuns k'p'mausowâk'n kiket." Nit
wiwilmekw katama w'nimi‛towun k'tak'mikw; keskw-te eli-wiskiyat.
Malem-te pukweskwatesin; epasiu-te pedci-niw'metesin sipwakok. Espuns
w'kapetat'kwihin. Nitaul tan w't'litpiyan asityiu, kata espuns
w'kisi-k'tcitci‛towun.
Nit elmiyat; petcosan m'kisiwiminul (kesena: sakw'tewiminul). W'tiyan:
"tanpal k't-elkowinya nil moholekw?" "K'mutc'kolp'n espuns p'dc'l nilun
m'sī p'suliminuk." "Ni-ta katama k'pawalo‛pa." Metc-te elmiyat; musk'm'n
epusisul kiktcekalkwi-minsuk; "neke tan-etc k'telko-winya moholekw?"
"Kiktcekolp'n etatc nilun m'siu kiktcekalkwi-minsul;" "ah, ni-te miyau
nil eli-pawat'm-li," asitewut'm; w'mitsin. Malem-te memi‛po; w'matcahan.
S'laki-te petci sikmiyaumulsiu, stepal wes-sikyot (or w'sikyot)
kekw'siyul almi-potasik. En w'kiktceka-pelusin naka w'kiktceka-pelusin;
katama-te witcokemkowun (kesena: w'kikho-kowun). Malem-te w'muskum'n
kowapskek penapskw nit eswatckwesit teki metwepusit w'ketcik. Metc-te
teke wewinakw't eli-katama piyeswi‛kw espuns-te pemkiskak.
* * * * *
Nit-te-te-na w'metapeksin.
* * * * *