Nekw't wulkiskak wespaswiu Loks w'matcyusan espunso-weluso,
eli-aliyew'skit-k'mi‛kw kesi-kakesi-mile-luso; nit elusidcil; na
p'mekm'n(?) elmiyat. S'lakiu nikani wedckoyat k'tci muwin; kamatc
w'lithaso nimiat espunsul. Ni-te w'kisi‛ton w't'lithaswâk'n w'nepahan
te‛po-li kisi‛takw. Amskowasewei (humskowahsehway) w'sikyal
eli-mil-matolit; nisewei w'k'topul w'spasipin.
* * * * *
Espuns madcephowan; w'pistesinen pikwekit epus. Muwin
w'madce-ketcupskahan; espuns w'ktci‛ton elitc-epus-kipyat, nit-etc na
nek'm w'matcahan. Espuns puskwinton tahalo-tep skat wetmikhamakw
muwinyul: "m'si-te kisalkiyin naka kesi-k'sumseyin wut epus katetc
n'musnako; seta-pisesiyin wedcyak k'musnin naka-tc n'metcinan. Nit kata
k't'li-kisi‛ton tan-kwuni aps-alkak." Muin not'wat, w'lamset'wal,
kenok-lo w'nimi‛ton nit w'nemasi-kisi-nek'm-alkiton. Wetckowi-pisesilit,
espuns w'pakikalan; w'tet'li-saklanan teki metcinelit.
* * * * *
Nit espuns w'nutyapekin; w't'li‛ton m'ltceses muinyiuyeya. Aptc-te metc
w'madceyusan; keskw-te elusetp'n; s'lakiu etek wikwam wakhi-pektetek,
w'k'sahan; nekw't'kamtowuk pokumkesisuk; holima; w'tiyan: "wasistuk
naskwihikw; k't-apenkolniyaktc yokt muwinewiyeyak n'multcesuk." Nit
pokumkesisuk w'naskwahanya; w'pusetkamowanya naka w'potemowanya
w'sikwun. Nit keskw aptci kowusp'nak powitaha‛tit. Etudci-k'topulti‛tit
w'mahanya espuns w'multces; kisi-pukwulaski-poto‛tit wiyus,
w'netaktasinya naka w'mahanya.
* * * * *
Espuns tokiyat w'kinapma naka w'neskatakw'sowaman: w'tiyan: "tan nil
muwinewiyeyak n'multcesuk?" Siktepayoltiwuk; w't'li-hasite-mal:
"nkis-akw'sanuk naka n'mahanen." Ni-te espuns w'tekwalitwat; nekesa
nekw't w'neka-kisketunenan peskowul; te‛po m'tesansul pot-madcil; meskw
na ntawiu; espuns lithaso kat-etc kis-adcmiu.
* * * * *