nidcalkon kaskw. "Kat na ntwowiphon'muk sopeyiwiyik naka wulat-kusinya?"
"Ah-ha, wulatkuswuk naka sopeyowuk; kamatc-lo nsokwi-nakw't
ekwaukwiya‛tit naka mutceksinya." Naka "nt-epskuk pekakw'so?" "Ah-ha,
aseki pekakw'so (ah-ha, asuki pekakwiskip) todci pekakwiskin tahalo
yut." Loks w'pakikatm'n epusis pimskwakwak. Naka w't'lintowaman:
"mutcakwi-skipat kaskw; mutcakwik'nat kaskw. Kaskw mutcakwi-k'ne; kaskw
na mutcakwi-skipe," naka kaskw w'tokakwakwiskipan; kam't, k'wiwiseyin,
musumi!"
* * * * *
Kaskw-lo kata ke‛kw it'mo, kenok-lo wikwelal Loksowul. Malem p'tatwelit
epasio et'li-piyemi n'sanakwak naka et'li-temek, nit et'li-pewatkit;
w'kwulpak'n wit'n. Nit seslakiu Loks kiw'takw'so tahalo piyakw'tihîk'nis
et'li-k'sitewuk. Metc-lo makiyewus eyo nek'm elens-kiyat pa‛kakwessin
penapskwi‛kok naka na takatessin et'li-ni-ukamikek; siktesina.
Lox tan todci k'tci m'teaulin, kenok-lo w'tels'nwâk'n ankwotc
w'nek'lakon. Nit-li sopiyekwak esuk-nekiwik: niswuk w'skinosis'k
yali-pipmasi‛tit; w'muskowanya Loxowul elusinlidcil penapskwi‛kok;
metcinesp'na et'li-wuli-pektatek. Nikt w's'kinosis'k Mohak wakut'muk.
M'si-yakw-te pokess wutci-notyatwul-to w'tunik.
Nit-lo samela‛tit w'minweyusiyan; w'tastokekap witakowal, tahalo
palapyit naka siki m'tapekwin, kenok-lo emkwetc pemau‛so metc-lo
kwilwa‛tun w't'li-kisi-milip'nulkonya. Wuliko w't-atapiwa; nit mekselat
w'tumakan. W'kisi‛ton w'm'tyayewuletelin wa‛sis pi‛dceto nit kwisaweyik
k'tak'mikw. W't-iyan-li: "kwaskw'hikw; k‛nadci-witayanya
et'li-milayew'ltimuk." Nit miutesino‛tit, w'kisi‛ton eltakwak; hahadciu
elmi-na-utakw; yut na etotakwak metetcwuk sip.
* * * * *
Elmi-kauti‛tit; katama w'kesosaunial; nit hahadciu elmi-kwaskauto-wuk.
Hodci-k'tcitci‛ton yohot w'skinosis w'tciyawiwuk Kaluk (kesena Culloek;
kesena Cullosisek). Nikt Kullowuk k'tci sipsuk; mutcmat'wuk. Nit-lo
Loks, nimi‛t'wat kesek wiyus wikwak, nek'm-na w'k'ti-sidcitwa. Loks
kisi-mili-pemau‛sit, elwe w'neka-k'tcitci‛ton m'siu wenil elmatolit.
Nit w'nasesowatm'n Kullowul elmatolit; w'nimian wasis'l; matcinton
Kullowintawâkn; "agoge-abeol, wetkusan-abeol." Epit w'tiyal Loksowul
kat-up kisi-patcoliu; nit not'wat Loks wis'kilwehe; w'pakikatm'n
* * * * *