Kweniyotasik lampekwinoskwiyik w'kisi‛tonya meskw nimitasinuk etudci
wulatek wikwam meskw-li nimitasiu. Lampekwinoskwiyik wuli-witapetoktinya
sipsis; mawetwelutwuk; w'tiyanya: "nadciphok kawisuk, min'yik, pas'k,
(h)amwes'k m'siu kikikiki‛tit; k'pedciphanya wikwam'k kisitwa‛tit
Loksowul naka (h)amwes'k, anikw'suk naka k't'kik wenuskewidcik
wahantusis'k," naka peketamidcik naka w't-ulneme-wulanya kineyidcik
malsapskuk pemsukhasik. W'kisnekhanya lusoyil (h)amwes: enikwusikwam
w'tukteput.
Neke‛ki w't'li-wikwelokon Loks apkwetakw (e)sukyepap. Penekwa-twet,
kis-piskaptaso; nimi‛takw wikwam wulithaso; lithaso: "naletc
noli-atlasimin." Nit eli-k'sahat pakakwusinen minosi sapakwit-en wut'n
(kesena; wittun) naka malsapsko mesko-wisit-kesidcit; sipkitakw'so.
W'not'wal wenil metyēwestolidcil; w'tulsutwal ewasiswit lampekwinoskw.
Sastemwi-takw'so; it'm: "n'meskole-li, nit'sekes yut elkwiu;" nit eliat
naka (waga?) w'tekw'temelkin enikwusikwam. Nit akwami m'tcîk'n katik
minosyik. Aptc k'tuk wen metyēwestakw metc-seselmit: "n'kwitckale;
li-nit'sekes; nek'm piyemi wasiswiu katik nil." Nitc seslakiu
w't-ulenskiyan elmipiskatek en naka w'temkitekm'n amwesi-kwam. Nit
piyemi ak'm'tek naka wewithatm'n malikeyowan naka todciu wiskilwahan.
Nitc piyemi kisi-wiskemtakw elkanat. Meskw wen w'todcilwahawun
w'skitapyik kesena weyusis'k.
* * * * *
W'noswaphan lampekwinoskwi eli-madcephauwelit nipaiyu.
W't'li-sapkahotinya eli-m'tcimkakwi‛kok. Nit-li sapye k'ti-tc'kowap'k
metape-kaw'tinya kesketkwe sip. Katama w'kisi-kweskakaudiw'nya. Kwapeu
seket k'tci kaskw (kesena: tumkwolikunatc). Nodci-kwesukhotasit kaskw.
Metcimiu hosatm'n welohot naka kinlohot; palayiu na etudci-w'lakw'sit.
Pilskwesis'k w't'lintowam'nya: "wewulakwi-skipat kaskw; wewulakwi-skipat
kaskw." Nit kamatc holsutm'n nikani nodci-kwesukhotasit. W't-iyanya:
"musumi wiwisankw's." Ni-ta nekseyiu w'kisadcin; w'kweskayakwutowan
pitakwak wit'n ekamiu sipok, wedci pilskwesis'k kisi-kweskayatwe‛tit.
Nit-te nikt'k lampekwinoskwesis'k matcetestikanya elmakwasek.
Nahatc kisi-kasoka‛tit, kaskw na kiskwekapwit Loks na metapahat;
wulithaswinakw'so. W'tiy'n kaskwul: "nil na kwuskaphin."--"Kwuskaphol
te‛po na kil wulinwiyin etutci wuliki kat yot'l n'katul pekakw'towiyil."
"Ah-ha," Loks w't'li-asitemal, "naka wudcite." Eldcitek palapyikakon
* * * * *