Keskw nit epi‛tit; en pemitcekwut; w'skitapyik pilwitcp'soltidcik
pemipilkowa; yohot m'siu sastemwi-kakalom'nya: "widco‛kemine." Eleyo
nihit p'ses'mowi nisumatidcihi w'kisi‛takw onias k'wot tesakwiu
k'siw'skek. Tcatcakwessi m'siu weyusis'k k'tci‛kokeyak pemipilkowa naka
(nuhka?) wskitapyik wikwak tahasik (kesena: tewak-tahasik)
wetkwapasidcik, wen-pal-tetc tem'k sakhiyat, kenok-lo Tiyum tem'k!
"N'hesis'n apkweline (kesena penekweline)." W't'li-kinapman spem'k:
"kisnil nkiskatmop'n tekwāk." Ni-te w't-elm-iyan. Aptc k'tuk
sakhi-yatyakw, mutc'wat mūin; nit-te-na aptc k't'wapema‛tit
ankowekhoswuk; te‛po kisi sankewi penekwelot, hoses'wak. Mūin te‛po
elimkimit, it'm: "nil nkiskatmop'n sikw'n; peskw niswiyekw, ni-ta na
kiyaskwi tan te‛po w'skitap." Ni-te na w't-elm-iyan.
* * * * *
Naka nit aptc-pal wen wakhiyat, petci-te Apistanutc nek'm-te nit'l
nek'la‛titp'nil; wulithaswi-kakalomanya; w'n'tutmowania weswepho-konya
wikek. Nek'm na w't'li-nepaptowa, tahalop pilwiya; w't'li-asiteman: "nil
na nkiskatmop'n kekisik'n." (kesena: sikw'n). Nek'm wedciyawe‛tit
elkaha‛tit. Nek'm-te-na madcehe; w'neklan lampe-kwinoskwesis'k
nekw'tokeyiu.
Naka metc'slawei Loks sakhiyat, nitel (kesena: nit'l) eli-wiyatidcil
w'skidcinwi wahant akwami ket'k'motu katik k't'kik k'tci‛kok
t'li-weyusis'k; akwami nekatmatu katik m'si-te kesi‛tit. Tayowe,
etutci wikotmowa‛tit widjoketwâk'n, t'liw'tipithasin tan'tc
w't'li-kisi-w'sikyan naka wanian, kenok-lo nihit weskoweyawidcihi
katama akwami n's'weyiwi tahalote nek'm naka-te-na milskwihiwuk,
ip'dc'l wetci-matceyik w'skitk'mikw; w'tlianya spemkami‛kok;
w't-eswelanya niso-matidcihi; yokt lampekwinoskwiyik k'sihikawí
p'mi-k'tcitcitwuk.
K'tci epitwit lithasiu holamohosin ansak-pa-te wulikmawik tan nek'm
eliwulithat'k. Wulit-de w't-apkweton w't-esukepyap naka w'kul-pelm'n
epusisi‛kok wetckw'latketun, wedci Loks wiski sipkiu kis-apkwutakw. Loks
w'kisi-penekwelan ewasiswilidcil eli-wuleyotasik w'skitkumikw; aptc
w'nadciphan k't'kil, nit'lna penekwiwidcokemal; wulasweltumwul Loksowul,
kenok-lo aptc w'nototmowan w'natatwu-takon epusi‛kok w't-esukepyap et'li
nektuk ewepiu epusik. W't-iyan: "mosak sesmiu pusketokwutc kesena
wekitokwut tama elkwiu; te‛po kulapkweni‛ton etasiu k'tcipletîk'n."
* * * * *