Kenok-lo wisaweyik kesena mekweyik, pili kesena nikani, wakeswuk nekiwik
tekwi-te k'matc w'siwiyinya p'ses'mo‛kik eliphots naka k'matc
k'ti-weswesowuk w'skitk'mi‛kw. Naka nit litpetcyewiu akwamu'k-li
wiwisak'mok w'kisi-weswesinya. P'ses'mowi nisumatidcihi katamayiwi
n'kekiu k'tonkeyik, w'tiyoko: "wa nit sektiyapskek, k'tci penapskw, mosa
sesmiu toknetokek;" tekiu ewedcitu tciksutm'k. Wut-lo ewasiswit,
etutci-te matcekautilit p'ses'mowi nisumatidcihi, nit kwiltasin
sektiyapskek w'panetun; wisk k'ti-nimi‛ton elmalkak lamiu; nit
eli-toknetakw asekinakw't eli-nimi‛takw; alik-pemaloktek nit emekiu
w'skitk'mi‛kw wetciyowi‛tit wiki‛tit; akwam-tok nim‛itotit
wetciyowi‛tits ewasiswi‛tit, kuspemuk, k'tci‛kok naka sip'wul. K'tci
epitwit el-apit, elwe-te sekw'-skesowul w'mushon'wal el-ithasi‛tit.
* * * * *
Yokt p'ses'm'k etutci mutc-ithasuski‛tit w'skitapyik, nit el-ithamot;
w'nimi‛tonya elkwiu m'teaulinwâk'n'k w'niswititwa kisi‛to-w-aptem'nya
elmalkak alokek; w'ktcitci‛tonya ikwewatmo‛tit; yohot w'lithatmowâk'n
milan weswekautinya w'skitk'mikwuk. W't-iyokonya nisumatidcihi; "teketc
pemlak'wik k'wipetinya naka tan etutci tokiyaye‛kw, mosa w'sami
wiwisake‛kw k'tapskapinya; mosa na panakwesike‛kw teki-yaka m'tintakwi
Ketckikila‛sis; tcika-te mosak nemdcesike‛kw, kenok-lo medc-te
k'sankewusinya tekiu not'we‛kw mekweyit miku m'tintakw; aptc tcika-te
nit mosak panakwesike‛kw; medc-te k'piskikweyinya teki not'we‛kw
asakwakw t'l-intakw. Nit naka todciu k'nektem'nya k'wotiwa naka wiuniu
k't-alapinya."
Ewasiswit sespethaso; etas-metetakw'sit Ketckikila‛sis etas-te
amiktekwho; akwontc k'tci-epitwit w'kelhumwan: "skowas nitsekes teki
not'wukw Apal'kamutc." En w'sankwusinen tekiu atututetc
madce-w'spasloket madce-kwihit (wespastakw'sit naka wespasloket); katama
askowasiu. Nit wedci amiktekw'hit; nit-te na k'tci-epitwit,
et'li-muskasi‛tit ketul-te w'skitk'mikw, kenok-lo
w't'li-m'saknasinasp'nik tesakwiu kinatkwekusit pitceyit k'siw'sk. Nit
el-tesmo‛tit katama kisi-penekwesiwiyik, skat widcokemamok.
* * * * *
Nit-lo petciyeyat elkwiu etas-lintowâk'n sipsis'k w't'lintowatm'nya naka
mikwiyik-li m'saknawusiyik; hahadciu wedc'wau; w'skitkumikok wedcwauyak,
petci k'ti-pesetek kis'k wedcwauyak, kenok-lo katama sipkiklem'nya.
Eli-maskelmat.
* * * * *