Nit-li pekesin Apistanutc tahalo-tep aptc k'tuk; neke peskwun pemkiskak
petcosan pi‛tcetek naka nekw'tokatek kuspem pem'tenyi‛kok. W't-elmelkin;
nokeyu (kesena: noki-w't-elmelketasinen) tahalo pussis. Setayiu
pemapskek akhotetol piswimin'l. W'not'm'n metyelmoltin (kesena:
siktelmoltin) naka metepe‛kipotekakyotakw'soltowuk pilskwesis'k;
w't'li-t'kasmoltowuk kuspem'k naka yoktuk lampe-kwinoskwesis'k
w'kasut'wawa w'skitk'mikw'hino. Nimi‛towan w't-elkwet'wâk'nowal
el-akwe‛kil sepayakem naka kwilwapman w'linwayik. Apistanutc kikemiu
kwuskasin, katama nimiyan, tahalo apistanutcwei, tekiu kisi-kelnek
pitinek w't-elkwet'wâk'nowal, ip'dc'l na nek'm pilwapwiu.
Nikt lampekwinoskwesis'k, tan etutci m'senmako‛tit w'skitapyil
w't-elkwet'wak'nowal, nit-etc w'tepelmokowal-tetc. Apistanutc
w'ketcitciya elmatotilit wunak'messo naka k't'kik piswin'wuk (kesena:
pis'wip'mau‛-sowin'wuk), ip'dc'l w't-elkwet'wâk'nikowa, nit ēyik
eli-pilwitpusolti‛tit.
Apistanutc nit eli-kisi‛ton; w't-ah'li-s'nodci-kwaskw'hin;
tcipkweta-kw'so. Lampekwinoskwesis'k not'wa‛tit w'kayoltowuk;
w'nosokwanya kisi-k'matnumkotidcil elsewuti‛tit. Wut Apistanutc
wulinwadcil na tem'k tetmikadcil. Ni-te eli-wetcwautekat te‛po kekeskw
w'sumat-petahal. Nit nikaniu w'skidcin'wuk eli-sekwa‛tit m'teaulino.
Ni-te tekwotc w'kisi-niswinya. Kamatc asekithaso etutci seslaki
kiskatek. Ni-te w'metcinewi-wikwiyan. Sankewi madcephan. Nihit-li
k't'kihi Apistanutc weswi-milan'l peskemotidcil.
Nit na Tiyum wuli w'skitap-e naka wulimato; petciyat w'nimiyan
Apistanutcul kiskat'mal; w'not'm'n kis-eltakwak. W'titm'n; "wulesitc;
katama sikiyiu; nit tahalo te kis-kiskat'man." W't'lian kuspemsis'k
elm'tni‛kek elm-apsi‛kek pis'wim'ni‛kok; nek'm-te na w'nimia nakskwi
yaltekw'holtidcik el-peknamautoltowuk; milipn'ltoltowuk tahalo-te
hamwiyat(i)dcik nemessuk nsamakwan'k. Nek'm etudcilwahats neke
wikwetowan w't-elwket'wâk'nowa yohot ket'maki lampekwinoskwesis naka
w'madce-kwaskw'hin.
Yut'l piyemi-te w'linwadcil nit'e temk tetmikatcil; aptci eli-kisithatik
w'pekisi‛ton ketc-elo‛ket; w'pakikatm'n kininakw't epus; w'tukman
wunyak'nesis'k. En wahat w'kespi-nepahan (kesena: w'metcimtaha). Nit Mūs
(kesena: Tiyum) wedci skat kiskat'muk.
Apistanutc w'niswitidcil k'ti-wesweso; k'ti-nimia w'p'mausowinum.
Apistanutc w't'li-opemwiwiyal w'nadciphan w'tsekeswus naka w'niswinya.
En nit w'madc'han eliats-te ewedci‛to elm'tni‛kek, elmapski‛kek
* * * * *