Tan Kuloskap matcahat, m'sīu matce-paulasp'nihi tcipinakw'soltili-dcihi;
neket nahat matcahat m'sikwek; kiwa‛kwiyik katama akwam'k
yali-piswapasiwiyik k'tci‛kok; Kullo katama aptc sekpaulakiu, eli-sip'l
nut w'neski tahalo alok w'tepaskakon naka kisus; mudcikit Tcinu
la‛tokwesnuk kata mohokauwiyil; katama mudcikidcik weyusis'k, wahantowuk
naka k'tci athosis'wuk katama-te t'li-m'skauwauyik kwihi ēyit (kesena:
wikit).
Wut Kuloskap aptc akwam'k w't-elkikima w'skidcino tan
w't'li-akwami-w'lithasoltilin; katam-lo w'kisi-w'laswiyawi;
medci-mudcha‛tit w'skidcin'wuk weyusisuk, kamatc w't'mithasikhawal
Kuloskapyil. Malem katama w'kisi-witcyemawi; etudci wikhopalwat
sipayakem Minaskik; m'si-te w'skidcin'wuk naka weyusiswuk w't'lianya;
metnokak w'tepesin k'tci ekwitnuk (kwitnok); w'skidcin'wuk naka
w't-epinwanya teki-te ekwi-nimiya‛tit. Mali-te kisi-k'sikayapma‛tit,
metc-te-lo w'not'-wawal elmi-intolidcil; ahadci elmi-wakw'takw'so
elmi-pi‛tcek; kespen-te neke sesmi-te w't-ekwinot'wawau. Nit-a m'si-te
tciphodcoltowuk.
Naka asekilmokwanya. Weyusis'k nsatw'toltosp'nik peskw'n
w't'lat'-wewâk'nowa; nit tan-te wen eli-wewiphauwet, yate nek'm peskw'n
elkwiyat aptc k'tuk. Katama aptc mauhewiyik aptcetc yaka Kuloskap
apatekwat; aptcetc w'mawema (kesena: wikhopala); netc aptc w'skidcin'wuk
w'sankewi-mauyanya. M'si-te ke‛kw w'kiwatceton.
* * * * *
Itaso neke wedci-matcahat Akadik, nit nut wapi Ko‛kokhos elkwiyes
et'li-m'tcimka‛kwi‛kok; kat-etc aptc apatcyiu, t'ki aptc notasikwat
wu-lithasiktowat Kuloskapyil. Ni-te metc-te-ke lamakwitc metetakw'sit
"ko‛kohū," kesena titekul sklunskul w'skidcinmat'wewâk'n'k "n'meskēyin,
* * * * *