W'skidcinwuk-li w'lamsit'muk k'tci sips; w't'li-wiyowal Wutcau‛s'n,
nodci-patwet t'lawusu, pi‛tceto la‛tokwesnuk; w't-epin-te sakwi k'tci
penapskwok met-alokt'k alokul. Tan etudci madcilkwenowit nit-tetc
pets'n.
Neket metc Kuloskap yali-widcyemat w'ski‛tapi; poskiu na nek'm
madces-soko w't-oluk w't-atapyil naka w'pakw'yil, sips-soke. Nekw't neke
etasikiskakil Wutcau‛s'n wisk-lamsin; adciu pem'lamsin; kesp'n-te neke
pedciwesek naka petlamkweso. Katama Kuloskap kisi-yali-sokiu w'toluk
(kesena: w't-ekwitn'muk). W't-itm'n: "Wutcau‛s'n wut k'tci sips
et'lau‛sit la‛tokwesnuk n't nit elo‛ket."
Kwilwahan, kamatc pi‛tceto eliye naka w'muskowan-li; musk'm epit k'tci
penapskwok, wapiyu k'tci sips. W't-iyun: "musumī, katama
k't'makithumauyik k'wasis'k (kesena: kwenesek). Kil nit kisit'wun
mutc'kiskak, wutcau‛suk; elwe w'sam-menakatcmutnan k'neskiyik." Neket
k'tci sips-li k'tehum: "yut ntiyinēp'n wiski nikaniu; pi'tci kis'wukul
(kesena: tem'k kis'wukul) meskw wen et'l-ēwestuk, nil-te amskowas
notakw'sianp'n; amskowas madcelokp'n n'neskiyik; metcim-tetc-na
n'matcelak tan eli-w'lithat'm (kesena:-hod'm)."
Etudci Kuloskap wenak'sit; elsenit pet'kil-te aloki‛kok; w't'li-wikwelal
wut k'tci sips, tahalo-tep m'tehesim naka w'kulnulmowan tekwiu w'neski
naka w'penekwakan eli-p'sikapskiyak nis'nol k'tci penapskwul. Ni-te na
et'li-neklat nit.
* * * * *