Etutci Kuloskap wikwunemen naka w'matceptun wapap; nadci-kelulwewan
Miktcitcul. Wulithamal wikwus; el-holithamal Miktcitcul. Ni-te na nakskw
holnekan piliyi stakw'no; sipilek elan(?) k'tci wapskwe-wiyil.
W'teliaman Miktcitcul naka kespatek wiyus w't'li-wulikwipinya. Nit
teko-te w'kisi-niswinya.
Miktcitc wiski maleyo; k't'kik ketonkati‛tit nek'm kak elesin wikek.
Nekw't pemkiskak w'niswitidcil w'tiyokon: "nit-li skat ke‛kw-li εlokewin
nekseyeiwetc, k'siktelamip'n." Nit w'nasnan w't-akum. Epit w'nosokwan
nadci-k'tonkelit; w'k'ti-nimial tan wut elokelin. Katama pi‛tceto elweu;
en kwastesinen; napiskwoman; tceltemkitekwal. W'niswitidcil ni-te
weswesin; w'nadci-yahan wikwus'l: "Miktcitc kata ke‛kw εlautiu."
Wikwus'l lo it'm: "tepno ke‛kw el-eloke; kikitwon."
* * * * *
Nekw't kisuk-li Kuloskap w'tiyal Miktcitcul: "sepaunu t'li k'tci mauwi
epuskemhudin; kil-na k't-atc'wi-t'li-widciyun. Ip'dcul m'si-te
k'tulnekw'k w'skinosuk yut; k't-ekwedcitc-nepogok; k'temkakoketc naka
k'temkipilkon; etutci el-elesuk, kwihiwutc k'silhus wikwam'k (kesena:
wikek). K't'litc-kis-w'simotwak k'milentc pilwapyowâk'n wedcitc
kisi-pasitekwuhiyun niskess, kenok-lo nowewei k'madcetc-mutceso,
kenok-lo tcowi-eleyo."
* * * * *
M'si-te-na leyoyohotp'n; w'skinosuk w't-ekwetci-nepahawal;
eli-kisi-w'simotwat, tcowi-pasit-tekweho wikwam'k tahalo-tep steke sips
kwes-kwidcitwiyat, kenok-lo nowewei n'w'mapitesinen epusya‛kwi‛kok.
Ni-te ekhodcit et'li-wahat p'tekwikpulaso wedci-p'ketetek emekeo.
* * * * *
Wut Kuloskap lamikwam epits w'tiyan: "nidcalu‛kw, k'ti-sak'ma-we‛lul,
k'tci sak'm miktcitcuk. Kisi-kapwitm'n k'tci kakesokmikw'-sowuk."
Etudci-wikpulasat Miktcitcul. Malem-te m'tek'nom tcitnakw'tek.
Eli-tcilakwesitp'n medce-te wewinakw't, teke pemkiskak naka
w'no-telukselan; peskwun te‛po tcilkeyisuk eskwetakio. Naka
tcipkitakw'-sowaman: "n'lukw's k'nepihi," kenok-lo wulukw'sul
w'tasitemkil: "katama eleyiu; k'milin k'tci p'mau‛sowâk'n. Teketc
wetci-matcyiu kisi-tetc-yali-tepskans et'lamk'lek---- kis-pemaus
k'tak'mi‛kok naka nsamakwan'k. Tcika-te temikwetohol'k, metc-tetc
k'p'maus eskwu-nadek kisokniu. Petcitetc k'mushon w't'li-tesentc
kisi-munetol'k k'hek'k sipkiu."
* * * * *