W'titm'nya wut kak: "k'tci m'teaulin, kenok-lo tcewi-ekwetcila kesena
madcehe." Kisi-pilit w'p'tciptonya k'tci wuskenis, putupewi
w't-apekîk'n. K'tci wuskidcinwit w't-ekwetci-tumakan etut s'nit tekui
w'petin'l, te‛po kekeskw w'taketon. W'milan Kuloskapyil; ansa
w't'li-tumakan, te‛po w'tcitcin'l ewekedcil; tahalo-tep wut'mak'natekw.
Aptc wesiwestoltidcik itmuk: "k'matc wut k'tci m'teaulin, kenok-lo
tcewitc ekwetcila." Nit w'p'tciptowanya k'tci t'makn'l eli-p'sunpit
mel-kiknewik w't'mawei. Katama tan te‛po el-iyit ski‛tap skat
m'teau-lin'wikw katama w'kisi-w't'mekhawiyil. Nit wiunenan; m'si-te wen
w'tume; wesiwestoltidcik esalawult'wuk. Kuloskape-lo pusnelal; m'si-te
okyakw'siye-te w't'maweyau.
W'titm'nya: "k'matc wut k'tci m'teaulin, kenok-lo metc-tetc ekwetcila."
Metcte w'k'timawe-wutumhutinyal. Wikwam peskelo-te-li; ketethat'mok
peskelosanya peskwun-te. Eli-p'kedasawet tahalo-tep stekke tesakwi epit
wutcuk. Nek'ma-lo katama akwam'k w'kesi-kisi-kapwitmowunya. Itmo‛tit yut
kak: "katama teplokewakniu; nadci-epuskumhotine."
Et'li epuskumhoti'tits pemi-Sakdiamkiak eli-p't'keyik sipok.
Natci-epuskumhoti‛tit; Kuloskape wut-li m'skowal epuskhumak'w'l
tcibinakw't wuskiyatep p'mau‛sowi, el-apitesesuk kwihiu wuk'nik.
Teketc-up aptc k'tuk w'ski‛tap naka w'puk'lu-kon w'temtemakon-tep w'sit.
Kuloskape etudci-siktelmit w't-itm'n: "k't-el-nit-eli-kes-elayew'ltyuk.
Wulîk'n, kenok-lo m'si-te ulayew'ltine kilon-te k't-epushumak'nen'wuk."
Etutci peskem'l k'sitlekwi epusik sepayiu sipok; w'tumakan pesket-kwun;
w't'li-kwulpeton wuskiyatep akwami tcibinakw't katik k'tuk.
M'teaulin'wuk madcephohot'wuk tahalo-tep apikw'sîk'n madcepaulat
ma‛tekweso; ansa-te w'li-piyem-hantowiktowak.
Nit Kuloskape w'tumum-ki-t'kem'n. Nsamakwan pitpe-sakhiak-kaneso;
wedciyak pemtenyiket; m'site k'tak'mikw kintakw't al-takw'sol-ti'tit.
Nit Kuloskape etutci-t'lintakw w't'lintowâk'n m'site wenihi
w'kisi-kwulpela. Nikt wesiwestoltidcik naka w'mitâkw'sowal nemes-wi
awultok; matcyelokoltinya eli-pitpek samakwan; w'skitapyik al-te
elkilol-towuk. Malem-te sopekok et'li-temek. Nitetc et'liyawi‛tit
as-kemiu. Pest'mokati ak'notmak'n; nikt nestowodcik sak'maskwesisuk
nemes-wiā wuletwuk; wesweyik naka w't'mak'nowa wikomanya.
Elmi-pekete-sauhutok pi‛tceseknadcik. Nitc metc-te-ke eli-nimiyat
w'tem-hot'wuk.
* * * * *