Eyik nit Sakdiamkiak nit wikit w'ski‛tap niso wikwus naka w'tos'l.
M'si-te k'tci m'teaulin'-wuk; m'si-te na kiwa‛kwiyik mahawa
p'mausowin'wuk w'skitapi, epiilidcihi naka wa‛sis. M'si-te ke‛kw
w't-elokhanya ewaplikek m'tci-lokewâk'n naka w'skitkemikok w'sowa‛ton
naka w'to-waplelokεwâk'nowal.
Nekw't ewasiswultilit Kluskape witapekamasp'nihi; w't'lakomal
w'mitâkw'sowal na nek'm w'mitâkw's'l; wesiwestoltilidcihi nek'm-na
w'siwes; p'han'momwal na nek'm p'han'mom'l. Pemi-k'tunhudi‛tit
w'p'minatm'n w'to-waplelokewâk'nowa. Kluskape w't-itm'n: "nit nt-elian;
n'kwilwa‛ton w'lāmewâk'n; nit-lo w'lāmohot nilutc nt-elian;
tcowitc-metcinyuk. Katama-tetc peskw skwit-tahawun tan wut p'mausowin
wipit. Kate ke‛kwεleyiu tan te‛po wen."
Yokt nekw'dcikankeswuk wikusp'nik Sakdiamkiak pemi-topkwa-namkik
sektenik sipok Sakdiamkiak eli-nopit kesena Okyakwtc epasi Kisitwasutc
naka k'tci penapskw kwihiu w'nak'meswuk wiki‛tit.
Wut k'takw'hemūs w'mitâkw'sowul m'teaulin'wuk naka w'mitâkw's-sikadcil
tekiu nkwutalkikw-yik naka epasi-wapkwe. Nit na Kluskape elelesit nikt
nisidcik; katama wiwinwauyik wen nit miyau. K'sēhat wikwamik;
w'sidciwulpesin k'takw'hemūs'l.
* * * * *
Nikt wesiwestoltidcik nepatikewin'wuk not'waw'l wenil metyēwestolidcil;
kikemiu w't-owapin; w'nimian pili pedciyalidcil w't'linwawul
w'mitâkw'sowak, katama wen en wāwiwal tan wut miyau. W'titm'nya; "k'tci
m'teaulin wut, kenok-lo tcewi-ekwetcila, kesena madcehe."
P'han'momwal wi‛kweton putupewi w'sîk'n; w't'l-a‛kwesemwan
wetci-welidcil. Pon'mowa maskwak pili kis-p'kwunasik. Peskw
wesiwesol-tidcik w'k'sēhan; wikwetowan; w'tiyal yut kak: "kil w'sami
kulwut k'midcin." W'madceton wikik. Kuloskape w'titm'n: "tan yut milimek
nit nil. Nitetc na wedci-opadci-wikweto." Te‛po sanke-wupo;
w't'li-t'hatm'n weswesitc. Apatcitwiyewiu pekesen pili kis-p'kwunhasik
maskw eyikp'n ewesi-te.
* * * * *