katama kiseltumwawun witcipnusin; ansa te‛po w't-ankeyowa w'p'maus'win'm
naka w't'lip'maus'win'm w'kisi-t'pesotinya.
* * * * *
Nit aptc k't'kil elok'h'timkil.--Malem-te nit w'lakwiwik nit yaka
w'pemkanya; tekiu-te aptc etcekwak e nite spatek w't-enkamhetoltinya;
wenautoltowuk; epusk'mh'tinya. W'kisi-kapwelanya m'tewâkw'm'l. Nit m'siu
tan eli-t-autolti‛tit ekhotasik; tan wut neklowetcik niktetc wikw'nekik
nilt'l kis-ekhotasikil. Nit elok'h'tim'k ankwotc kwenek't nihi snte
kesena-te pes(kw) kisos.
Nipowe eldakewâk'n nikansoswei.--Tan etutci w'skinus p'watek
w'niswitidcilen w't-akinwetuwan w'nikiko naka tan yut'l pawat'kil; nika
nio nit askau‛titiesil; nitc wut k'takwh'mūs w't-akinwetuwan
w't-elnapem; nit ska wen waplithotmuk, nit-tetc tekw'tcetonya. Nit wut
k'takwh'mūs milan kelwasilipil piley'l mūinewiyul kesena atuk kesena
kwapitewiyul. Nitc wut w'skinus w'madcephon w't-oneks'n'l yut
nakskw-wikowak; nitc nit ponan w'teneks'n'l nau‛tik. Yut w'p'n'l nisn'l
naka nau‛tik naka k'soshon(?). Nit elitepi-milipitasik ela wikwam; nit
kisi-kelat w'teneks'n'l. Wut-lo nakskw w'mitâkw's'l w't-akinwetuwan
w't-elnapem; malem-te kisi-mawemat, w'nestow'n eli-wisilit w'skinosis'l
p'tci-pawatm't w'nidc'n'l w'niswinya. Nit ska wen waplithotmuk, nit-tetc
wut k'takw'h'mūs w't-elkiman w'tus'l nau‛tik p'mekpit nekson. Nit-tetch
nit kisitpiye nipwoltin; nitan eli-kwusitasik wikw'paltin
mawe-mitsoltin; ayut pemkamik n'skauh'tim'k. Ankwotc kwenatk't
pemlo-kemkil.
* * * * *
Nipowe eltakewâk'n; yut piliu yut kisi-mawetasik.--Tan etutci w'skinos
k't-wakatek w'tatc'witc-na-kinwet'wu w'nikiko; w'nestow'n nakskwiyil
pawatkil. Nitc wut k'takwh'mūs w'maweman w't-elnap'mwa nit skat wen
waplithotmuk. Nitch w't-akinwet'wanya nodci-k'lolwelidcil; nitc
w'matceptonya nekw't tatkeyi wapap. Nit-tetc nit mila‛tit wut nakskw
w'mitâkws'l naka tan-te kisi-kisi-‛tit kesosidcihi nadci-tciklutkik.
Wapap ekitasik nipawei. Liwitaso: "k'lolwewei;" yutetc w'tetl'kitm'n
elkitnuwik; w'nestowaltc na eli-wisilit w'skinus'l nit pawatek nit'l
nakskwiyil w'niswinya. Nit-tetc nit met-ēwesta‛kw; nit-tetc
wuswiya-pasinya yut w'skinus wikek. Nit-tetc etl-askauwasulti‛tit tekiu
asit'mut. Nit-tetc na wut nakskw w'mitâkw's'l w'maweman w't-elnap'm,
nit-tetc
* * * * *