El gentil niño Narçiso
En una fuente engañado,
De ssy mesmo enamorado, 25
Muy esquiva muerte priso:
Señora de noble rriso
E de muy gracioso brio, {p. 30}
A mirar fuente nin rrio
Non se atreva vuestro viso.
Deseando vuestra vida
Aun vos dó otro consejo, 5
Que non se mire en espejo
Vuestra faz clara é garrida:
¿Quien sabe sy la partida
Vos será dende tan fuerte,
Por que fuese en vos la muerte 10
De Narciso repetida?
. . . . . . . . . .
. . . . . . . . . .
Prados, rrosas é flores
Otorgo que los miredes,
E plaze me que escuchedes
Dulçes cantigas de amores; 15
Mas por sol nin por calores
Tal codiçia non vos ciegue;
Vuestra vista syenpre nyegue
Las fuentes é sus dulçores.
Con plazer é gozo é ryso 20
Rruego á Dyos que rresplandezcan
Vuestros bienes é florezcan
Mas que los de Dido Elisa:
Vuestra faz muy blanca, lisa,
Jamas nunca syenta pena, 25
A Dyos, flor de azuzena,
Duela vos de ’sta pesquisa.