Eya velar, eya velar, eya velar.
Velat aljama de los judios,
Eya velar:
Que non vos furten el Fijo de Dios,
Eya velar. 5
Ca furtárvoslo querrán,
Eya velar:
Andres e Peidro et Johan,
Eya velar.
Non sabedes tanto descanto, 10
Eya velar:
Que salgades de so el canto,
Eya velar.
Todos son ladronçiellos,
Eya velar: 15
Que assechan por los pestiellos,
Eya velar.
Todos son omnes plegadizos,
Eya velar:
Rioaduchos mescladizos, 20
Eya velar.
Vuestra lengua sin recabdo,
Eya velar:
Por mal cabo vos ha echado,
Eya velar. 25
Non sabedes tanto de enganno,
Eya velar:
Que salgades ende este anno,
Eya velar.
Non sabedes tanta razon, {p. 9}
Eya velar:
Que salgades de la prision.
Eya velar.
Tomascio e Matheo, 5
Eya velar:
De furtarlo han grant deseo,
Eya velar.
El disçipulo lo vendió,
Eya velar: 10
El Maestro non lo entendió,
Eya velar.
Don Fhilipo, Simon e Judas,
Eya velar:
Por furtar buscan ayudas, 15
Eya velar.
Si lo quieren acometer,
Eya velar:
Oy es dia de paresçer,
Eya velar. 20
_Eya velar, eya velar, eya velar._