_To my right wurchepfull howsbond, John Paston._
[Sidenote: 1451 / APRIL 16]
Right wurchepfull howsbond, I recomand me to yow, prayng yow to wete
that the Parson of Oxened[234.2] told me that Wyndham told hym that
Sweynnysthorp[234.3] is hold of the Kyng be the therd part or the fourt
part of a knyt fye, and ho so ever had the maner of Sweynsthorp, he
shuld fynde an armyd man, in tyme of werre in the castell of Norwhic,
xl. days to his owyn cost, and that ye shuld pay xxx^s. to the Kyng
yerly owth of the seyd maner; and it is fond also that your fader shuld
a died seysyd, and that ye shuld a entyryd ther in as heyr after your
fader dysseys, and that ye shuld be now up on the age of xxx. wynter.
The Trinite have yow in hys kepyng. Wreten at Norwhic, the Friday next a
fore Seynt George.
Yowrs,