_To my maister Paston._
[Sidenote: 1451 / MARCH 4]
Right wurshipfull sir, and my right good maister, I recomaunde me to
yow. It is so that up on an hasty sodeyn warnyng I departid from London
and spake not with yow at my departyng, Wherof I was full sory. I pray
yow, neverthelesse, that ye wole eftsones speke to William White with my
Lord Cardinall, for I desire his maistership and good will and wole do
to my power. And as touchyng to that that he semith I haf don agayn hym,
in good feith I wole abide your rule or, by Seynt Kateryne, his owen
rule. He is a gentilman and I wole don it with good will. I am right
sory ye had not set me thorgh with hym erst I went, for I haf prayed yow
ther of, as ye know your self dyvers tymes. The Holy Trynite preserve
yow. Wretyn at Wevenho the iiii. day of Merche.
Your servaunt,